Nodi Khoje Hatimare Mae Jiu 18:14 - Buka Blahi Ka Cheke Holo

¹⁴ Mana hohoro nakafli ka khoveo ne jateula jata neu ne fadi di nogna naokare, aonu mare ne rikha ne theo tokadi.

Nodi Khoje Hatimare Mae Jiu 18:14 ပူးပေါင်းရင်းမြစ်များ

Nodi Khoje Hatimare Mae Jiu 144:6

Kuru meini sagho u nakhafli ana mala rikha sopa thei nogu naoka iara gre. Uve, fada jatadi sagho mala rikha mare.

Profet Habaku 3:11

Kate fada iagho nou khuali re, theidi khuali igre umhu fara jateula nakafli eghu, eghuteuna naprai ghe glaba igre ginauna kegra snoto.

Profet Isaia 30:30

Nu Lord mae ihei te noda King tahati igne, mana toghodi nogna naiknore mala nomhini naoglagna mana te biꞌo na. Eghuteuna mana ginauna na fakakhana nogna nolaghi biꞌo te jateula khaꞌaghi te ghamu fahui gobigna lepo fateo ra teuna ka mare. Mana ginauna mei jateula fila eghu soru mei balu nakhete thina.

Nodi Khoje Hatimare Mae Jiu 77:17

Kate mei iagho na khoveo biꞌo na mei balu nakhete biꞌo, eghuteuna fila na poha ka maloa gne, eghuteuna nakafli na fada tafri heva heva jateula khuali eghu.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Josua 10:10

Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Diutronomi 32:42

Nogu jata iara gre ginauna apu ka dadaradi naikno te tirodi ghau iara re. Nogu naflahi mala magra iara na ginauna ghamu thinidire, eghuteuna ginauna falehedi mae te au ka sosolo, eghuteuna kusu phaꞌudi mae biꞌo te naokare.’

Diutronomi 32:23

“ ‘Iara ginauna lisa mei puhi biꞌo ke klignami ghotilo. Puhi biꞌo igre ginauna mei ka ghotilo jateula iara te fada jata ghami ghotilo ra eghu.

Naba 24:8

Lord na neke batu fajifla ghami ghotilo Ijep. Ghotilo nheta fara ka magra jateula buluka mata te theo kaisei mae te lokuni ra eghu. Eghume ghotilo ginauna goigonidi nomi mae naoka re. Eghuteuna, ghotilo ginauna lolhopa nhubradire nei fadi falehedi ka nomi khuali re.

Nodi Khoje Hatimare Mae Jiu 21:12

Iagho ginauna na fadi jatadi, eghuteuna mare ginauna na figri tagru e rikha nigho iagho.

Thoutonu Eigna Mae Job 38:35

Ba, iagho tangomana te cheke faheta ka nakafli are te mala phae na? Ba, iagho gaoghathomu na nakafli gre tangomana te mei te cheke eghu ka iagho, ‘Mae funei, ghehati agneu gognarona’ teuna?

Ululahu Samuel 2:10

Lord ginauna fatedi naikno te au ka namono te gnafa ka nauthoglu igne. Mana ginauna goigonidi nogna naoka re. Mana ginauna au kligna, mala fapoha mei fila ka mare. “Eghuteuna mana ginauna tusu lao nolaghi ka king teke vavahi mana na. Uve, mana ginauna pala hagheni nei toghoni eghu mana mala ulu fabrahu.”

Thoutonu Eigna Mae Job 37:4

Naoglagna mana igne oa'ongha mei jateula kaisei fila biꞌo eghu. Eghuteuna leuleghu fata na ghotilo nomhini naoglagna mana igne, falalase nogna nolaghi mana na ka nakafli.

Thoutonu Eigna Mae Job 37:5

Kate cheke faheta God ka fila na, tahati te gnafa na jaglo noda tagna. Eghuteuna mana edi glepo te biꞌo te theome tangomana kaisei naikno ka tahati te lasedi re.

Nodi Khoje Hatimare Mae Jiu 29:3

Naiknore nomhini naoglagna Lord na ke kligna nhorora. Naugna nolaghi Lord na oaꞌongha jateula fila eghu, eghuteuna chekegna mana na oaꞌongha ke kligna nhorora.

Nodi Khoje Hatimare Mae Jiu 29:7

Chekegna Lord na ne khafli ka gromno na.

Nodi Khoje Hatimare Mae Jiu 77:18

Iagho neke eni fila gne mala poha fabiꞌo, eghuteuna iagho neke eni nakafli gne mala khafli ka namono te gnafa ka nauthoglu igne, eghuteuna glose gne na nghali jateula kaisei mae te mhaghura eghu.

Profet Joel 2:11

Aonu Lord ne eha fabiꞌo ka cheche te jateula nogna mae soldia teu mana igre. Aonu naoglagna mana igne thono biꞌo fara jateula te poha fila ra eghu. Neuba, cheche igre ne kmana fara nei nolaghi fara neu, rehati na leghuni kolho nogna cheke mana na. Eghume, nogna Narane Lord igne ginauna ninhigrana fara. Ihei gne te nabagna nate khegra heta kate thoke mei Narane igne na? Thono theo fara.