Nodi Khoje Hatimare Mae Jiu 18:13 - Buka Blahi Ka Cheke Holo

¹³ Lord na au neu kligna ne cheke fabiꞌo jateula fila neu ka maloa na. God au neu kligna ka maloa na ne cheke, eghuteuna khaꞌaghi nei nakhete thina teure ne khoko ne soru pari.

Nodi Khoje Hatimare Mae Jiu 18:13 ပူးပေါင်းရင်းမြစ်များ

Nodi Khoje Hatimare Mae Jiu 104:7

Nu kate cheke faheta iagho na, u nhorora na neke kgnao soru pari. Uve, kate nomhini chekemu iagho te jateula kaisei fila teuna, u nhorora na ne tei delei fara.

Ululahu Samuel 7:10

Ka narane te eni mae Samuel u fafara igne, maedi Filistia gre ne kafe thugha mei mala fufunu gna magra na. Nu Lord ne famei fila ne soru poha ke klignadi mare. Aonu mare ne mhaghu nodi fara balu fagoigoli ne rikha kokodi maedi Israel.

Nodi Khoje Hatimare Mae Jiu 140:10

Jame te keli na iagho koko soru kaisei khaꞌaghi ke klignadi mala nhako mare. Nei te keli na iagho jame koko sorudi ka glave te mamhara na mala theome tangomana mare teke jifla na.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Thakle 8:5

Aonu engel na ne hata tapera insens na ne fafodu khaꞌaghi ka olta na ne koko soru ka nauthoglu na. Ka vido tuana nakafli nei fila nei nakheu biꞌo.

Thakle 4:5

Iara jaola ne filodi nakafli nei nomhidi naogladi fila biꞌo eghu ne mei funudi ka nogna sape nafnakno mae King na. Ke ulugna nogna sape nafnakno mae King na iara ne filodi fitu juta te deudeplu fabrahu, igre fitu tharunga te keli nogna God.

Jone 12:29

Naikno te kegra teu jare re ne kafe nomhini naogla tuana. Aonu mare gaoghathodi na ne kaisei fila ne taitanhi neu nodini, eghuteuna keha naiknore ne cheke mei neu kaisei engel ka mana eghu gaoghathodi na.

Profet Habaku 3:5

Iagho kuru mei kmana nafnata khabru. Eghuteuna ke leghu na, iagho snakre mei fogra biꞌo mala lehe naiknore.

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Nodi Khoje Hatimare Mae Jiu 78:48

Nodi bulukare neke jaola neke lehe ka aes, nei nodi sipu nei nanigot teure neke lehe ka nakafli.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Diutronomi 32:24

Ghotilo ginauna lehe ka grofo, nei ka fagrutu, nei ka kmana nafnata fogra te diꞌa. Iara ginauna kuru mei khuma mata mala ngolhi ghami ghotilo, eghuteuna mogo phanaga ginauna mei kathi ghami ghotilo.

Eksodas 20:18

Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.