Nodi Khoje Hatimare Mae Jiu 18:12 - Buka Blahi Ka Cheke Holo

¹² Nu nakafli na ne mei funugna ka mana, eghuteuna nakhete thina balu khaꞌaghi na ne jifla mei funugna ka gromno te thuta na ne khoko soru pari.

Nodi Khoje Hatimare Mae Jiu 18:12 ပူးပေါင်းရင်းမြစ်များ

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Thakle 16:21

Eghuteuna ka vido tuana nakhete thina na ne soru mei ka naiknore funu kligna ka maloa na. Galotodi nakhete thina igre tahudire jame glimafulu kilo. Ka vido tuana naiknore ne cheke faparini God kate kuru meini mana nakhete thina igne, naugna papara igne ne thofno diꞌa fara tulao.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Eksodas 19:9

Lord ne cheke eghu ka mae Moses, “Fanomho sagho, iara ginauna mei ka iagho ka kaisei khoveo biꞌo, mala tangomana naiknore te nomhi ghau iara te cheke balumu iagho na. Aonu naiknore ginauna fatutuani nigho iagho fabrahu.” Mae Moses ne cheke lao ka Lord nodi cheke naiknore.

Profet Isaia 50:3

Eghuteuna iara tangomana te eni maloa gne mala ke romno soru, jateula kaisei mae te diꞌanagnafa fara te tanhini ihei te lehe ra eghu.”