Nodi Khoje Hatimare Mae Jiu 18:11 - Buka Blahi Ka Cheke Holo

¹¹ Mana ne eni gromno te thuta na mala toku tafruni thegna jateula kaisei pohe neu. Eghuteuna gromno gna nakhete na ne toku tafruni mana.

Nodi Khoje Hatimare Mae Jiu 18:11 ပူးပေါင်းရင်းမြစ်များ

Nodi Khoje Hatimare Mae Jiu 97:2

Khoveo nei gromno teura au faligohoni mana. Mana funei frunidi nei fatedi eghu naiknore ka puhi te thofno doglo fara.

Diutronomi 4:11

Kuꞌemi ghotilo ra neke kegra haghe ka pesigna Thogele Horeb, eghuteuna kaisei khoveo biꞌo te romno fara mei ne toku tafruni thogele igne, nu naphaegna khaꞌaghi na ne agha kligna ka maloa na.

Profet Joel 2:2

Narane igne ginauna kafe romno soru, eghuteuna maloa igne ginauna thafru ka gromno. Aonu kaisei tothoghei cheche ginauna mei toku tafru vido te gnafa jateula kaisei armi eghu ke kligna thogele, ba jateula gromno te haghe te toku naprai na ra eghu. Theo kaisei glepo jateula igne teku tifa na, eghuteuna theo kaisei glepo nate jateula igne teu ginauna.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Nodi Khoje Hatimare Mae Jiu 27:5

Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Profet Esikiel 10:18

Eghuteuna siasiglagna nogna nolaghi biꞌo Lord na, jifla ke kligna grengathagna Sugablahi na ne tugha tei kligna ka engel re.