Nodi Khoje Hatimare Mae Jiu 17:3 - Buka Blahi Ka Cheke Holo

³ Iagho laseni gaoghathogu iara na. Bongi thongana na iagho neke mei fariuriuni nakarhagu iara na. Iagho neke theome filoni kaisei puhi te diꞌa ka iara.

Nodi Khoje Hatimare Mae Jiu 17:3 ပူးပေါင်းရင်းမြစ်များ

Nodi Khoje Hatimare Mae Jiu 26:2

Lord, filo fakeli sagho ka nakarhagu iara gne, mala laseni unha nafnata naikno te iara gne, nei mala filo glanidi gaoghathogu iara gre.

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Nodi Khoje Hatimare Mae Jiu 39:1

Te chekeni iara na, iara ginauna na reireghi fakelidi unha te edi iara re. Na eghu nu cheke fadiꞌa iara ka nogu chekere eghu. Kate au teu mae te diꞌare rhegui na, iara ginauna na theome gagri kaisei cheke.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Nodi Khoje Hatimare Mae Jiu 139:1

Lord God, iagho la kulu filonihi nakarhagu iara na, nei iagho jaola lase fakeli ghauhi iara.

Nodi Khoje Hatimare Mae Jiu 119:106

Iara la nhaꞌa chekehi ka iagho te mala leghudi nou famane cheke re. Eghume iara ginauna theome tangomana te chaichaghi nigho na.

Nodi Khoje Hatimare Mae Jiu 66:10

God, iagho neke fariuriudihi nakarhami ghehati gre mala gae jateula mae te gahu silva te mala khoko thonagna na ia eghu.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Profet Hosia 7:6

Nu nodi gaoghatho pouporu mae te diꞌa igre jaola brana fara jateula khaꞌaghi eghu ka nagnafadire. Ka bongi igne, mare thofno diꞌatadi fara, eghuteuna fei hamerane na, diꞌatadi mare igne ne thofno brana fara.

Profet Jeremaea 50:20

Ka narane tuare, iara ginauna na theome filoni kaisei nakhibo ka iheire te au nga teu, naugna iara na atha fadelei nakhibodi naikno gre.” Igne cheke gna Lord.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.

Nodi Khoje Hatimare Mae Jiu 16:7

Iara cheke fakelini God, eigna mana ne batu fakeli ghau iara. Neubane fari hotei bongiro, God ne cheke ranghi ghau iara mala leghuni nabrou te doglo na.

Nodi Khoje Hatimare Mae Jiu 11:5

Lord na filo glani nakarhagna ihei te keli na nei ihei te diꞌa na eghu. Nu mana theome magnahagheni ihei te kuru magridi keha naiknore.

Nodi Khoje Hatimare Mae Jiu 7:4

Iara theome chaghini iara mae kheragu na, ba fiti chekeni kolho, nei fiti fadiꞌani eghu kolho iara nogu naoka na.

Thoutonu Eigna Mae Job 24:14

Mae te aknu poru igre kegra haghe hamerane boibongi, mala jifla aknu falehedi iheire te kuma. Uve, mare jifla bongiro mala blau.

Ululahu Samuel 26:23

Lord na toghoni ihei te doglo nei ghatho tahuni mana teuna. Mana neke lisa mei nigho iagho ka nogu nolaghi iara, nu iara neke theome falehe nigho iagho, naugna Lord ngala teke vahi nigho iagho teke king na.

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!

Mae Khuru 16:9

Ka bongi tuana mae Pol ne mifi. Ka mifi tuana mae Pol ne filoni kaisei mae gna ka Provins Masidonia mei ne kegra ke ulugna mana ne toreni fara eghu, “Liu mei sagho Masidonia mala togho ghami ghehati!”

Ululahu Samuel 24:10

Iagho laseni unha teke eni ka gluma na ginei ia. Lord neke snakre mei nigho iagho ka nogu nolaghi iara! Nu iara theome magnahagheni te falehe nigho iagho na. Iara kokhoni nigho iagho neke cheke eghu, ‘Iara theome tangomana te goigoni ni nogu funei na, naugna Lord neke vahini mana.’

Jemes 3:2

Tutuani fara, tahati te gnafa na kafe edi kmana najafra. Nu jame kaisei mae theome eni kaisei najafra ka unha te chekedi mana re meuna, mae tuana ngala kaisei mae te doglo fara na. Eghuteuna mana ngala mae ihei tangomana te reireghi fakelini nakarhagna na.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Ululahu Korin 4:4

Iara theome laseni kaisei glepo te fajafrani iara na, nu iara theome chekeni ne kaisei mae doglo thegu teuna. Eigna noda Lord ngala te au nolaghi te mala fate ghau iara na.

Ululahu Samuel 26:11

Iara theome magnahaghei te faleheni mae king teke vavahi God na. Tapa na atha nogna goru nei ghegna botol khoꞌu teu mana igre kolho mala tei baluda.”

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Ululahu Kronikols 29:17

Iara laseni, nogu God, iagho fariuriudi gaoghathodi nou naiknore, eghuteuna iagho glealeꞌa baludi naikno te leghuni puhi te doglo na. Ka puhi te doglo kolho, iara magnahagheni fara te tusu ari gobigna lepo igre ka iagho. Iara la filonihi eigna nou naikno iagho igre, mare magnahaghei fara te tusu ari glepo igre ka iagho.

Nodi Khoje Hatimare Mae Jiu 139:23

God, filo glani sagho gaoghathogu iara gne, filo fakelidi sagho unha te ghathodi iara gre.

Profet Jeremaea 12:3

Nu iagho Lord, iagho lase fakeli ghau iara. Eghuteuna iagho filodihi nogu gloku iara re, nei puhigu iara te ghatho tahu nigho iagho gre eghu. Atha fadelei naikno te diꞌa igre mala falelehe, jateula mae te atha fadelei sipu te mala falelehe te ghamu ra eghu. Iagho tajidiu ghilei thoke mei nodi narane te mala lehe na.