Nodi Khoje Hatimare Mae Jiu 17:14 - Buka Blahi Ka Cheke Holo

¹⁴ God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 17:14 ပူးပေါင်းရင်းမြစ်များ

Thoutonu Eigna Mae Job 22:18

Neubane eghu, God tusu ranghidi gobigna lepo te keli ka naikno te diꞌa igre. Nu iara tirogudi nodi gaoghatho mare igre.

Jone 17:14

Iara la tusu laohi ka mare nou farirhiu iagho ra. Eghuteuna naiknogna nauthoglu igne theome magnahaghedi mare, naugna mare theome nogna nauthoglu igne, jateula ngau iara gne theome nogna nauthoglu igne.

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Jone 8:23

Mae Jisas ne cheke eghu ka mare, “Ghotilo neke karha ka nauthoglu igne kolho, eghuteuna iara theome maegu ka nauthoglu igne. Nu iara neke mei funu kligna ka God.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Jemes 5:5

Mare tanhi nei diꞌanagnafa naugna ghotilo ne theome tabadi mare. Nu ghotilo theome tanhi nei diꞌanagnafa eghu naugna ghotilo dedei fara nei ludeni unha te magnahagheni themi na. Nu ghotilo jateula kaisei buluka biꞌo te mala tarabana te mala falelehe te ghamu ia eghu. Buluka na gleale'a fara leuleghu narane, eghuteuna theome laseni narane mala lehegna na. Ghotilo jateula tuana eghu theome laseni narane God nate fate ghami ghotilo na.

Nodi Khoje Hatimare Mae Jiu 73:12

Tuana puhidi mare na. Mare au nodi kmana glepohi, nu leuleghu fata na mare hata nodi glepo kmana fara ngala.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Thoutonu Eigna Mae Job 21:21

Kate lehehi mana na, mana na theome tangomana teke ghathoni unha nate thoke mei ka thugna mana re ginauna.

Thoutonu Eigna Mae Job 12:9

Naugna mare kafe laseni eigna Lord neke vuavuhadi mare ka khamegna mana.

Thoutonu Eigna Mae Job 12:6

Nu mae te khuru blau re au fakeli ka namonodi re. Eghuteuna iheire te faꞌeiꞌei te diꞌatagna God igre, mare tirodi nangani kaisei glepo. Neuba ne eghu, mare theome tangomana te au ke kosigna nogna nolaghi God.

Matiu 13:44

Mae Jisas jaola ne cheke eghu, “Kate funei frunidi God nogna naiknore jateula kaisei glepo te keli fara teke pophoru kaisei mae ke lamna glose ia eghu. Kaisei narane kaisei mae ne filo deni glepo tuana. Aonu mana gleale'a fara! Mana ghosei ne tatafru fapulo glepo te keli tuana ne tei fofoli fahui nogna gobigna lepore, mala foli vido glose tuana.

Proveb 2:4

Iagho loku heta mala hiro deni gaoghatho te keli na nei glalase na, jateula mae te loku heta te hironi sileni teke pophoru mare lamna glose ia eghu.