Nodi Khoje Hatimare Mae Jiu 17:1 - Buka Blahi Ka Cheke Holo

¹ Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.

Nodi Khoje Hatimare Mae Jiu 17:1 ပူးပေါင်းရင်းမြစ်များ

Nodi Khoje Hatimare Mae Jiu 142:6

Fanomho mei sagho ka nogu tharai thotogho iara gre, naugna gaoghathogure la thofno glaꞌe soruhi. Mei fakarhi ghau iara sagho naugna hatimare mae naoka gre theome tangomana iara te tapla sorudire.

Nodi Khoje Hatimare Mae Jiu 61:1

God, fanomho ka nogu natanhi gre, fanomho ka nogu tharai gre.

Ululahu Jone 3:21

Uve kheraguro, jame theome fate ghita nagnafada na, tahati theome tangomana mhaghu te mei ka God.

Matiu 15:8

Mana neke cheke eghu: “ ‘Naikno igre fafnakno ghau iara ka chekedi kolho, nu nagnafadire theome namo ka iara.

Nodi Khoje Hatimare Mae Jiu 145:18

Leuleghu fata na mana kaikalitiu kolho te mala toghodi iheire fateo te eha lao ka mana ka nagnafa te doglo na.

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Nodi Khoje Hatimare Mae Jiu 142:1

Iara tarai fabiꞌo ka Lord mala togho ghau mana.

Nodi Khoje Hatimare Mae Jiu 140:12

Lord God, iara lase nigho iagho te toghodi iagho naikno te kumare, nei tusu ranghidi unha te nabadi.

Nodi Khoje Hatimare Mae Jiu 86:1

Lord God, fanomho mei sagho ka nogu tharai iara gre, naugna iara gne thono magnahagheini fara nou thotogho iagho na.

Nodi Khoje Hatimare Mae Jiu 66:19

Nu iara neke cheke thakledi ka God nakhibogure eghuteuna mana na la nomhidihi nogu tharai iara re eghu.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 18:20

Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Nodi Khoje Hatimare Mae Jiu 7:8

Lord, iagho tangomana te fatedi naiknore. Fate ghau iara sagho jateula iagho te fatedi keha naiknora eghu. Kate fate ghau iara iagho na, naiknore ginauna nomhini ka iagho te theome eni kaisei puhi te diꞌa iara ranghidi keha naiknore.

Fapea Kronikols 7:15

Nu iara ginauna reireghi fakelini Sugablahi igne, eghuteuna tharai te edi ghotilo ka Sugablahi igne na, iara ginauna tarabanau kolho te mala nomhi ghami ghotilo na.

Nodi Khoje Hatimare Mae Jiu 5:2

Iagho nogu God nei nogu king eghu iara. Togho mei ghau nei nomhidi eghu nogu natanhi gre.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Nodi Khoje Hatimare Mae Jiu 18:44

Kate nomhi ghau iara na, naiknodi keha kantri re ne ghosei ne mei pogho soru ke ulugu iara nei leghudi nogu cheke iara re.

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Profet Jeremaea 3:10

Neuba, Juda jaola ne tei koko ghau iara ne tei eni puhi te diꞌa na. Naꞌa theome tughu nagnafa mala ke figri mei ka iara. Naꞌa chaichaghi ghau iara fabrahu kolho.” Igne chekegna Lord.

Fapea Samuel 22:24

Mana laseni te theome eni iara kaisei najafra na, eghuteuna iara theome eni kaisei nakhibo.

Nodi Khoje Hatimare Mae Jiu 54:4

Nu God na togho ghau iara. Tutuani fara, God na tangomana te reireghi ghau iara te mala au fakeli iara na.

Nodi Khoje Hatimare Mae Jiu 55:18

Kmana mae naoka fara te magri ghau iara re. Nu iara theome diꞌadi eghu, naugna God na reireghi ghau nei togho ghau eghu iara.

Nodi Khoje Hatimare Mae Jiu 61:2

Iara gne au khaba ka nogu namono na, nei diꞌanagnafagu fara eghu. Eghume iara gne na eha ari ka iagho. Hata ghau tei ka kaisei vido te keli mala poru.

Nodi Khoje Hatimare Mae Jiu 84:9

God, iagho ngala teke vavahi na nomi king ghehati gne! Fablahini mana sagho.

Nodi Khoje Hatimare Mae Jiu 86:6

Lord God, fanomho mei ka nogu tharai gre. Uve, fanomho mei sagho mala togho ghau iara ka vido te tanhi ari iara ka iagho na.

Nodi Khoje Hatimare Mae Jiu 88:3

Kmana puhi fara te thoke ghau iara gne, iara la namo lehe gognaro na.

Nodi Khoje Hatimare Mae Jiu 102:2

Kate thoke mei puhi ka iara na, mei togho ghau. Kate eha mei iara ka iagho na, nomhi mei ghau nei faghosei mei cheke tughu ghau eghu.

Nodi Khoje Hatimare Mae Jiu 143:1

Lord God, naugna te doglo fara puhimu iagho na, nei tajini nou nhaꞌa cheke na teuna, fanomho mei sagho ka nogu tharai iara gre.