Nodi Khoje Hatimare Mae Jiu 16:7 - Buka Blahi Ka Cheke Holo

⁷ Iara cheke fakelini God, eigna mana ne batu fakeli ghau iara. Neubane fari hotei bongiro, God ne cheke ranghi ghau iara mala leghuni nabrou te doglo na.

Nodi Khoje Hatimare Mae Jiu 16:7 ပူးပေါင်းရင်းမြစ်များ

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Nodi Khoje Hatimare Mae Jiu 77:6

Leuleghu bongi na iara gaoghathodi fabrahu eidi narane teke koje iara teke glealeꞌa nagnafagu na, aonu iara ne cheke eghu:

Nodi Khoje Hatimare Mae Jiu 17:3

Iagho laseni gaoghathogu iara na. Bongi thongana na iagho neke mei fariuriuni nakarhagu iara na. Iagho neke theome filoni kaisei puhi te diꞌa ka iara.

Nodi Khoje Hatimare Mae Jiu 63:6

Kate thuru na, iara ghatho nigho iagho kolho, funu grafi te posa hamerane na.

Nodi Khoje Hatimare Mae Jiu 42:8

God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Profet Isaia 48:17

Lord nodi God te blahi mae Israel, God mae ihei teke fakarhi ghami ghotilo igne ne cheke eghu, “Iara Lord, nomi God ghotilo. Iara na farirhiu ghami ghotilo mala naikno keli. Eghuteuna iara na batu ghami ghotilo ka nabrou aheva te mala leghuni ghotilo na.

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Nodi Khoje Hatimare Mae Jiu 119:55

Lord God, bongiro na iara ghatho nigho iagho, aonu iara na leghudi fabrahu nou famane farirhiu iagho ra.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Nodi Khoje Hatimare Mae Jiu 119:7

Kate laseni iara te thofno doglo fara nou vetula iagho na, iara na cheke fakeli nigho ka thofno gaoghathogu fateote'o.

Nodi Khoje Hatimare Mae Jiu 119:148

Bongi thongana na iara theome thuru, iara ghathodi kolho nou nhaꞌa cheke iagho ra.

Nodi Khoje Hatimare Mae Jiu 77:2

Kate thoke ghau puhi na iara tarai ka noda Lord. Funu grafi posa hamerane, iara ngafa haghe fabrahu khamegure ka tharai. Neuba, gaoghatho gu iara na theome nheta kolho.

Nodi Khoje Hatimare Mae Jiu 22:2

Nogu God, bongi narane na iara theome gnafa te kilo nigho na, nu iagho theome fameomegoni nagnafagu gne.

Profet Jeremaea 12:2

Iagho liliseidi ka nauthoglu igne jateula mae ihei te joꞌu gano ka nagare na te karha kelidi nei ure teura neu. Neuba mare ne famane cheke eimu iagho koba, nu mare theome ghatho tahu nigho iagho kolho.

Nodi Khoje Hatimare Mae Jiu 73:21

Kate ninhigrana ranghi ghau fei nakarha na, iara thono diꞌatagu fara ka gobigna lepore kolho.