Nodi Khoje Hatimare Mae Jiu 16:3 - Buka Blahi Ka Cheke Holo

³ Nogna naikno God ka nauthoglu igne thofno keli fara. Iara thofno keli tagu fara te au nogu baludi mare.

Nodi Khoje Hatimare Mae Jiu 16:3 ပူးပေါင်းရင်းမြစ်များ

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 12:26

Mae te doglo na ginauna batuni kheragna na. Nu mae te diꞌa puhigna na, ginauna batu fajafradi naiknore.

Fapea Kronikols 6:41

“Lord God, iagho mei au fabrahu ka nou vido iagho igne balugna Bokis Blahi te fakakhana nou nolaghi biꞌo iagho. Lord God, iagho snakredi nou mae pris gre mala filo ari fabrahu ka iagho mala fakarhidi iagho, eghuteuna iagho snakredi iheire te ghatho tahu nigho iagho gre mala kelitadi fara mare ka puhimu iagho te keli igre.

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Profet Malakai 3:17

“Aonu Lord mae ihei te au nolaghi fateoteꞌo igne ne cheke eghu, ‘Naikno igre mala nogu iara. Eghuteuna iara ginauna kokhonidi naikno igre jateula mae kmami ghotilo te kokhonidi thudi ra eghu.

Profet Isaia 62:4

Theo kaisei naikno nate chekeni, Lord ginauna na tei koko ghami ghotilo teuna. Theo kaisei naikno nate chekeni nomi glose ghotilo igne ginauna jateula gaꞌase te kokohi khetogna na ra teuna. Nu igne nangha majaghani nate kilo ghami mare na, ‘Lord na kelitagna fara ka ghotilo.’ Nomi glose ghotilo igne mare ginauna kiloi, ‘Mana kelitagna fara ka khetogna na.’ Naugna Lord ginauna kelitagna fara ka ghotilo, eghuteuna mana ginauna reireghi fakelini nomi glose ghotilo igne jateula kaisei mae te reireghi fakelini khetogna na ia eghu.

Nodi Khoje Hatimare Mae Jiu 119:63

Iara kaisei loku fodu baludi iheire te ghatho tahu nigho re, nei iheire te leghudi nou famane cheke iagho re.

Nodi Khoje Hatimare Mae Jiu 116:15

Lord God, kaisei glepo biꞌo fara eghu ka tathamu iagho na kate lehe kaisei ka nou naikno iagho igre na.

Nodi Khoje Hatimare Mae Jiu 101:6

Nu iheire ngala te ghatho brana nigho re nate au balugu iara re. Eghuteuna iheire te doglo puhidire, ginauna loku ranghi ghau iara.

Nodi Khoje Hatimare Mae Jiu 30:4

Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Efesus 1:1

God neke vahi ghau iara mae Pol mala nogna khuru mae Jisas Kraes. Iara riso ari ka ghotilo naikno khiloau te au ka namono Efesus iheire te leghuni fabrahu mae Jisas Kraes. Naugna ghotilo nognahi mana.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Famane Khoje 7:10

Iara nogna naꞌa, eghuteuna naꞌa magnahaghei ghau iara fara.

Nodi Khoje Hatimare Mae Jiu 122:8

Jerusalem, iara ghathodi fara kheragu nei vikegu teu te au ka iagho ra, iagho toghodi mala au mare ka pharikeli.