Nodi Khoje Hatimare Mae Jiu 16:10 - Buka Blahi Ka Cheke Holo

¹⁰ Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Nodi Khoje Hatimare Mae Jiu 16:10 ပူးပေါင်းရင်းမြစ်များ

Nodi Khoje Hatimare Mae Jiu 49:15

Nu God ginauna fakarhi ghau iara kau glehe.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 20:13

Glehe ghe namono Hades ne snakre haghedi naikno te gnafa teke lehe te au ke lamnadire, eghuteuna nhorora na jaola ne snakre haghedi naikno te gnafa te au ke lamnagna. Mana ne fatedi naikno igre leghuni unha teke edi teke mei mare ka nakarhadire.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Profet Isaia 14:9

“King! Beku na mare la tarabanahi te mala soru iagho jare. Eghuteuna tharungadi iheire teke baubatu ka nauthoglu igne ra mare ginauna dofra haghe mala cheke fakeli nigho iagho. Uve, tharungadi mae king ka nauthoglu igne ginauna kegra haghe ka nodi sape nafnaknore mala ari thafo nigho iagho.

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Ululahu Korin 15:42

Ka narane kegra fapulo na ginauna jateula tuana eghu ranghidi iheire tela lehehira. Tutuani, thini teke giugilui tahati na theome tangomana te au raugha na, nu thini te karha fapulo na au fabrahu tifa tifa.

Naba 6:6

“Eghuteuna leghu fata na thosei tei namo ka naikno te lehe re.

Luku 4:34

“Sei! Ghema Jisas gna Nasaret! Mala faꞌunha ghami ghehati sagho ia? Iagho jau mala mei fadiꞌa ghami ghehati neku sini! Iara lase nighohi, iagho thofno mae blahi nogna God!”

Profet Emos 9:2

Neuba mare ne fariuriu tei pari mala poru ke lamna beku neu, iara tangomana te tei teke hata haghedi kligna re. Eghuteuna neuba mare ne fariuriu rikha ne haghe ka maloa kligna, iara ginauna tangomana teke hata sukhadi pari re.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Profet Isaia 5:14

Beku na thorau foflogna na jateula kaisei nasava te nganga teu foflogna na te mala tomno soru gano kate rofo fara naia eghu. Eghuteuna neubane naiknore au nafnakno ba theo, mare ginauna tei lamna Beku baludi iheire te au ka namono te eha tafri are.

Proveb 27:20

Mae ihei te khiridi thuagna nafnata lepo na, mana jateula nodi namono naikno te lehe te theome tangomana fodu ra eghu.

Proveb 15:11

Lord na filo lamna ka namonodi naikno tela lehehira. Eghuteuna mana jaola tangomana te filo lamna ka thiꞌagna naikno na.

Nodi Khoje Hatimare Mae Jiu 139:8

Neuba iara ne haghe kligna, nu iagho auhi jare. Neuba iara ne lehe te tei ke pari gluma, nu iagho jaola auhi jare.

Nodi Khoje Hatimare Mae Jiu 9:17

Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Thoutonu Eigna Mae Job 11:8

Nogna nolaghi God na haghe fara salaꞌuni maloa gno, eghuteuna ninhigrana fara ranghi nigho iagho te laseni mana na. Famane gaoghatho gna God igne mamhara fara salaꞌuni beku, nu iagho theome lasedi kolho glepo igre.