Nodi Khoje Hatimare Mae Jiu 150:3 - Buka Blahi Ka Cheke Holo

³ Tahati kilo fnaknoni mana ka nifu. Uve, tahati kilo fnaknoni mana ka soasopai nafnata gita.

Nodi Khoje Hatimare Mae Jiu 150:3 ပူးပေါင်းရင်းမြစ်များ

Nodi Khoje Hatimare Mae Jiu 33:2

Ghotilo koje ka gita mala cheke fakelini nanghagna Lord.

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Nodi Khoje Hatimare Mae Jiu 108:2

Ghotilo nogu gita iara ra, dofra haghe! Iara ginauna fadofrani naprai gne!

Ululahu Kronikols 16:42

Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.

Naba 10:10

Eghuteuna kate gleale'a ghotilo na, ghotilo ginauna eni gaghamhu khafa nei keha gaghamhu are, eghuteuna ghotilo jaola mala ifu phei nifu are ke klignadi glepo te fafara te knoro nei fafara fagaglana gna te au fakeli ghotilo balugu iara na. Naoglagna nifu gne mala ke ghathoni ghotilo eigna iara te nomi Lord God ghotilo na.”

Profet Daniel 3:5

Kate nomhidi ghotilo naogladi khufli, nifu, ghita, belo, sesele nei keha nafnata khoje teu igre na, ghotilo mala kafe pogho soruni mumuju gol te fakegra haghe King Nebukadnesa igne.

Fapea Samuel 6:5

Aonu mae Devet nei kmana naiknodi Israel eghu ne ragi balu koje mala kilo fnaknoni nanghagna Lord. Mare lalahu gita, tamborin, belo nei sesele.

Fapea Samuel 6:15

Aonu mae Devet nei naiknodi Israel, mare pala Bokis Blahi igne ne haghe Jerusalem. Mare gleale'a fara ne eha fabiꞌo balu kufli.

Ululahu Kronikols 25:1

King Devet baludi nodi lida hatimare mae Livaet, mare ne vahini tharaknagna mae Asaf, nei tharaknagna mae Heman nei tharaknagna mae Jedutun mala baubatu ka khoje. Mare neke cheke fakelini God ka gragi nei koje, nei ka belo nei ka thua nafnata gita. Nanghadire igre:

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Fapea Kronikols 20:28

Kate mei Jerusalem, hatimare mae Livaet ne lalahu ka thua nafnata gita, nei ifu ka trampet eghu ne kafe tei ka Sugablahi na mala kilo fnaknoni Lord.