Nodi Khoje Hatimare Mae Jiu 15:5 - Buka Blahi Ka Cheke Holo

⁵ Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.

Nodi Khoje Hatimare Mae Jiu 15:5 ပူးပေါင်းရင်းမြစ်များ

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Profet Esikiel 18:8

Mana theome tangomana te snakreni te tufa sileni ka keha mae na te mala hata intres biꞌo mana tagna na. Leuleghu fata na mana theome magnahaghei te eni kaisei glepo te diꞌa na. Mana tangomana te fate ka puhi te doglo na.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Proveb 12:3

Jame mae te eni puhi te diꞌa na, igne theome mala toghoni mana mala au fakeli nei kegra heta eghu. Nu mae te doglo na kegra heta fabrahu.

Nodi Khoje Hatimare Mae Jiu 112:6

Mae te keli na theome tangomana te pari na, eghuteuna naiknore theome tangomana te ghatho ihoni mana na.

Nodi Khoje Hatimare Mae Jiu 106:3

Iheire te leghudi nogna cheke, nei iheire te edi glepo te doglo re eghu, mare keli tadi fara.

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Nodi Khoje Hatimare Mae Jiu 16:8

Leuleghu fata na iara laseni te au teu God balugu na. Mana au rhegui iara, eghume theome tangomana kaisei glepo nate mei goigoni ghau iara na.

Matiu 26:15

Mae Judas ne cheke eghu ka mare, “Jame te snakre arini iara mae Jisas gne ka ghotilo na, niha sileni nate foli ghau iara ghotilo na?” Mare ne tusu ranghini mae Judas tolufulu sileni.

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Profet Esikiel 18:27

Nu jame kaisei mae te diꞌa figri leghu ka puhigna mana te diꞌa ka nakhibo na, eghuteuna ke edi glepo te doglo re nei mana leghuni nogna vetula God, mana ginauna tangomana te fakarhani thegna.

Profet Esikiel 18:17

Mana theome tangomana te goigonidi iheire te kuma. Mana theome tusu lao sileni ka keha mae na mala hata sileni biꞌo. Mae igne leghudi nogu cheke iara re, eghuteuna mana tajidi koba nogu vetula iara re. “Mae igne ginauna theome lehe ka nakhibogna mae kmagna na, nu mana ginauna karha kolho.

Profet Isaia 33:15

Ihei te eni puhi te doglo na, eghuteuna chekeni koba unha te tutuani na, nei ihei te tirogna huhurudi naiknore mala hata seleni tadi ka puhi te theome keli, ba theome snakredi keha naiknore mala cheke famaemahe mala hata seleni, nei tirogna gnokro baludi naikno te rogheni puhi te mala falehe poruni naikno na teuna. Mae igne ngala te theome ghathoni te mala edi nafnata puhi te diꞌa re.

Eksodas 22:24

Tutuani fara, iara ginau na thono diꞌatagu fara ka ghotilo eghuteuna iara na chekedi mae naokare mala mei falehe ghami ghotilo mala lehe kokodi ghotilo khetomi nei thumi teu are.

Diutronomi 23:21

“Kate nhaꞌa cheke ghotilo ka Lord nomi God na, ghotilo thosei paipalighi fara te mala eni unha teke nhaꞌa chekeni ghotilo na. Lord ginauna theome ghatho ihodi nomi nhaꞌa cheke ghotilo ra, eghuteuna jame te theome edi ghotilo re, ghotilo ginauna nabami te mala au papara ka nakhibo igne.

Ululahu Samuel 12:3

Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”

Proveb 10:30

Theo kaisei naikno tangomana te hata fajifladi naikno te doglore ka nodi namono na. Nu naikno te diꞌare ginauna theo nodi namono.

Proveb 15:27

Mae te khiri na atha mei puhi biꞌo ka thabuknagna na. Nu mae te tirogna fanomho ka ihei te mei cheke famaemaheni mana mala atha glepo ka mana teuna, mana ginauna karha.