Nodi Khoje Hatimare Mae Jiu 149:3 - Buka Blahi Ka Cheke Holo

³ Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Nodi Khoje Hatimare Mae Jiu 149:3 ပူးပေါင်းရင်းမြစ်များ

Profet Jeremaea 31:13

Ka narane igne, goro gaꞌase majaghani re ginauna ragi balu gleale'a, eghuteuna mae majaghani nei mae biꞌo teure ginauna jaola loku fodu mala ragi nei gleale'a eghu baludi. Iara ginauna fameomego nagnafadi mala theome diꞌanagnafa, nu mala gleale'a nodi fabrahu kolho mare eghu.

Nodi Khoje Hatimare Mae Jiu 81:2

Tahati koje nei gita eghu balu sesele. Uve, tahati lalahu ka glepo igre mala keli tada nonomhodire.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Nodi Khoje Hatimare Mae Jiu 30:11

Gognaro na iagho la hata fadeleidihi nogu naꞌau diꞌanagnafa iara re, eghuteuna iagho kela faglealeꞌa ghauhi iara. Eigna iara neke jateula mae te au diꞌanagnafa te tanhi ka naikno te lehera neku. Nu gognaro na iagho kela tuthughu nogu natanhi iara re kau glealeꞌa.

Fapea Samuel 6:16

Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Fapea Samuel 6:14

Ka narane igne mana ne fahaghe kaisei phoko blahi te kiloi mare efod, jateula mae pris neu ne ragi balu kilo fnaknoni Lord.

Jajis 11:34

Jefta au kaisei thugna gaꞌase kolho, mana theo kaisei thugna nalhaꞌu. Kate pulo mei Jefta Mispa ka nogna namono na, thugna gaꞌase mana na jifla mei ne thafoni mana. Naꞌa ragi ne jifla mei balu nogna tamborin.

Nodi Khoje Hatimare Mae Jiu 33:2

Ghotilo koje ka gita mala cheke fakelini nanghagna Lord.

Esra 3:10

Kate fufunu lilisei mare thina biꞌo ka khotogna nogna Sugablahi Lord igne, hatimare mae pris ne fahaghe nodi phoko blahi re, aonu mare hata trampet ne tei khegra ka nodi vido re. Aonu mare ne tarabana mala kilo fnaknoni Lord, leghuni unha teke chekeni mae Devet king gna Israel ka naiknore tifa.

Ululahu Kronikols 16:42

Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.

Fapea Kronikols 29:25

Ke leghu na, King Hesekaea chekedi mae Livaet mala hata nafnata gita nei belo eghu te au ka Sugablahi na leghuni nogna vetula Lord teke chekeni King Devet nei profet Gad, nei profet Natan.

Ululahu Kronikols 25:6

Mae igre loku ke parigna mae Heman, eghuteuna mare belo nei lalahu thua nafnata gita ka narane te tarai mare ka God ka nogna Sugablahi Lord na. Thilo mae igre loku ke parigna king: Mae Asaf, mae Heman nei mae Jedutun.

Fapea Kronikols 20:28

Kate mei Jerusalem, hatimare mae Livaet ne lalahu ka thua nafnata gita, nei ifu ka trampet eghu ne kafe tei ka Sugablahi na mala kilo fnaknoni Lord.

Nodi Khoje Hatimare Mae Jiu 81:3

Kau gaghamu khafa nei kau gaghamu glaba rane teu igre tahati kufli mala fufunu tharai na.

Nodi Khoje Hatimare Mae Jiu 87:7

Naikno te au ka namono Jerusalem, mare ginauna koje nei glealeꞌa eghu. Mare ginauna cheke eghu, “God na thofno fablahi ghami ghehati Saion ka noda famane namono tahati gne!”

Profet Jeremaea 31:4

Ghotilo nogu naikno iara. Iara ginauna na fakegra haghe ghami ghotilo maemi Israel mala kaisei vike te rheta tulao. Eghume ghotilo ginauna lalahu taborin nei ragi balu gleale'a.