Nodi Khoje Hatimare Mae Jiu 149:2 - Buka Blahi Ka Cheke Holo

² Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Nodi Khoje Hatimare Mae Jiu 149:2 ပူးပေါင်းရင်းမြစ်များ

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Profet Isaia 52:7

Thofno keli fara te filoni kaisei mae te chari te mei ka thogele ro, mana atha mei famane nonomho te keli eigna pharikeli. Mana toutonu eigna God ginauna fakarhi ghita. Mana ginauna mei Saion mala cheke eghu ka tahati, “Nomi God ghotilo na king!”

Nodi Khoje Hatimare Mae Jiu 95:6

Ghotilo mei, mala pogho soru nei tufru soru eghu tahati ka mana. Tahati mala tuturupuku soru ke ulugna Lord mae ihei teke vuavuha ghita.

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Joel 2:23

Ghotilo naiknomi ka namono Saion! Ghotilo gleale'a ka unha teke edi iara nomi Lord nei nomi God, iara eni igne mala togho ghami ghotilo. Ka narane te joꞌu ghotilo na, iara na snakre mei nakhete mala karha gano te joꞌu ghotilo ka nagare ra, jateula teke eni iara ka ghotilo tifa ia eghu.

Thoutonu Eigna Mae Job 35:10

“Nu mare theome kilo tei kolho ka God mae ihei teke vuavuhadi mare na. Eghuteuna ka gromno na mare theome eha tei ka God mae ihei teke tusu lao khoje ka mare.

Nodi Khoje Hatimare Mae Jiu 47:6

Tahati koje! Tahati cheke fakelini God! Mana noda king tahati! Tahati koje kilo fnaknoni mana.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Jone 19:15

Mae Jiu gre ne eha eghu ka mae Paelat, “Atha tei mae tuana delei! Faleheni mae tuana! Tupijuruni mae tuana ka gaju fafatha!” Mae Paelat ne cheke eghu ka mare, “Tore, ghotilo magnahaghei ghau iara te tupijuruni nomi king gne sia?” Hatimare mae pris ulu re ne cheke eghu ka mae Paelat, “Mae tuana theome nomi king ghehati. Nomi king ghehati na kaisei mae Sisa ngala!”

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Matiu 21:5

“Cheke ka naiknodi Jerusalem, ‘Filo si ghotilo nomi King ghotilo na la mei ka ghotilo. Mana nhaꞌa faparini thegna la saghe ka dongki na. Mana saghe ka sua dongki na.’ ”

Profet Isaia 43:15

Iara Lord, nodi God te Blahi mae Israel, mae ihei teke vuavuha ghami ghotilo, eghuteuna iara nomi King ghotilo.”

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.

Profet Sefanaea 3:14

Ghotilo naiknomi Israel! Ghotilo eha nei koje balu gleale'a! Ghotilo naiknomi Jerusalem, gleale'a ka nagnafami fateote'o!

Profet Sefanaea 3:15

Lord na theome para ghami ghotilo, eghuteuna mana brue fajifladihi nomi naoka ghotilo ra. Lord gognarona king gna Israel, eghuteuna mana au balumi ghotilo. Eghume, ghotilo theome tangomana te mhaghuni kaisei glepo na.