Nodi Khoje Hatimare Mae Jiu 148:8 - Buka Blahi Ka Cheke Holo

⁸ Ghotilo nakhafli, nakhete, khoveo nei nuri blahi teu te leghudi nogna cheke Lord ra, ghotilo kilo fnaknoni mana.

Nodi Khoje Hatimare Mae Jiu 148:8 ပူးပေါင်းရင်းမြစ်များ

Thakle 16:21

Eghuteuna ka vido tuana nakhete thina na ne soru mei ka naiknore funu kligna ka maloa na. Galotodi nakhete thina igre tahudire jame glimafulu kilo. Ka vido tuana naiknore ne cheke faparini God kate kuru meini mana nakhete thina igne, naugna papara igne ne thofno diꞌa fara tulao.

Profet Jona 1:4

Nu Lord eni nuri biꞌo na ne ghaghafa mei ne malu thongna na, eghuteuna vaka na ne namo phosa.

Profet Emos 7:4

Ke leghugna igne, Lord God neke fakakhana keha mifi na ka iara. Ka mifi igne, iara filoni Lord ne kaikaliti kaisei khaꞌaghi biꞌo mala nhako nogna naiknore. Neuba thongna na ne mamhara fara, nu khaꞌaghi biꞌo igne ginauna fakhaprani kolho thongna te mamhara igne, eghuteuna iara ne filoni te funu gnhubra glose na.

Profet Emos 4:13

Kaisei God ngala te au nolaghi na, teke vuavuhadi thogele nei nuri teu igre. Mana lasedi gaoghathodi naiknore. Mana au nogna nolaghi te mala tughu narane na mala ke romno. Mana fnakno fara, eghuteuna mana funei frunidi vido te gnafa ka nauthoglu igne. Nanghagna na Lord mae ihei te au nolaghi fateote'o!

Profet Joel 2:30

Ka narane tuana, iara ginauna edi keha fagaglana biꞌo ka maloa kligna nei ka nauthoglu pari igne. Uve, dadara, khaꞌaghi nei gagahu eghu ginauna thakle mei.

Profet Isaia 66:16

Lord ginauna mei balu khaꞌaghi nei naflahi eghu mala paradi naikno te gnafa te edi glepo te diꞌa ka nauthoglu igne, eghuteuna kmana naikno fara ginauna lehe.

Nodi Khoje Hatimare Mae Jiu 103:20

Ghotilo engel, mae te nheta nei nolaghi teu te leghudi nei fanomho teu ka nogna cheke mana ra, ghotilo cheke fakelini mana!

Nodi Khoje Hatimare Mae Jiu 18:12

Nu nakafli na ne mei funugna ka mana, eghuteuna nakhete thina balu khaꞌaghi na ne jifla mei funugna ka gromno te thuta na ne khoko soru pari.

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Naba 16:35

Aonu Lord ne famei khaꞌaghi na ne nako fahui phei gobi glimafulu mae teke tufa insens.

Levitikas 10:2

Aonu khaꞌaghi igne megei nga ne jifla mei ka vido aheva te au teu Lord na ne gnhubra ne lehe phia mare ke ulugna mana.

Eksodas 14:21

Aonu mae Moses ne tusu lao khamegna na ke kligna thongna, eghuteuna Lord ne fameini kaisei nuri biꞌo ke maghati ne nuri fabrahu bongi thongana na ne ghilei fnota pea thongna na ne khapra vido teke mamhara na.

Eksodas 10:19

Lord ne nomhini nodi tharai phia mare na neke figri nuri biꞌo na neke mei ke mosu. Eghuteuna cheche te gnafa teke thafru tongana heva heva Ijep ra ne kafe haglu ne tei thoke ka Thongna Ukru gno, ne theo kaisei te filoni Ijep na.

Eksodas 10:13

Aonu mae Moses ne tusu haghe nogna khodo na ke kligna Ijep, eghuteuna Lord ne fameini nuri biꞌo na ne mei funu ke maghati. Nuri igne ne mei faheta bongi narane na, hamerane ka keha narane na cheche na ne mei,

Jenesis 19:24

Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.

Thoutonu Eigna Mae Job 37:12

Khoveo igre flalo tongana tei faligohoni nauthoglu igne leghuni gaoghathogna God, eghuteuna reꞌe edi unha teke cheke ranghidi mana re.

Profet Jona 1:5

Mae te loku ka vaka na igre ne mhaghu nodi fara, eghuteuna mare te gnafa na ne tarai balu eha fabiꞌo ka nodi god re mala toghodi. Mare ne koko soru nodi glujare naugna vaka na ne namo lodu. Aonu kate funu ghaghafa faheta nuri na, mae Jona soru pari lamna vaka ne thuru iho.