Nodi Khoje Hatimare Mae Jiu 148:6 - Buka Blahi Ka Cheke Holo

⁶ Mana neke lisei sorudi ka vido te mala audi te tifa te tifa na. Nei mala thosei ke tughu vido.

Nodi Khoje Hatimare Mae Jiu 148:6 ပူးပေါင်းရင်းမြစ်များ

Profet Jeremaea 33:25

Nu iara cheke tutuani ka ghotilo: Iara ginauna na theome huhughuni nhaꞌa cheke teke eni iara baludi narane ghe bongi ra, eghuteuna iara ginauna na theome snakredi maloa ghe nauthoglu igre te huhughudi nogu vetula re.

Nodi Khoje Hatimare Mae Jiu 89:37

Leuleghu fata na kaisei ka mare ngala nate mae king na. Uve, mala jateula glaba te au fabrahu ka maloa na ana eghu, vike igne ginauna na jaola au fabrahu. Eghuteuna glaba te au ka maloa na ana ngala u fagaglana gna te thofno tutuani iara na.”

Thoutonu Eigna Mae Job 38:33

Ba, iagho lase fakelidi vetula te saghe leghudi glepo ka maloa gne? Ba, iagho tangomana te lasedi vetula igre te mala funei ka nauthoglu igne?

Nodi Khoje Hatimare Mae Jiu 93:1

Lord God, iagho King! Uve, ka nanghamu nei ka nou nolaghi eghu te King iagho na. Iagho neke vuavuhani nauthoglu igne mala au fabrahu ka vido teke augna na mala theome ke thugha tafri.

Profet Isaia 54:9

“Ka naranegna mae Noa igne, iara neke eni kaisei nhaꞌa cheke mala theome plulu nauthoglu igne ka khoꞌu. Iara gognarona jaola nhaꞌa cheke mala theome diꞌatagu ka ghotilo. Iara ginauna na theome thodo ghami nei para ghami eghu ghotilo.