Nodi Khoje Hatimare Mae Jiu 148:4 - Buka Blahi Ka Cheke Holo

⁴ Maloa, iagho kilo fnaknoni mana, nei khoꞌu te au ka maloa klignara, ghotilo kilo fnaknoni mana.

Nodi Khoje Hatimare Mae Jiu 148:4 ပူးပေါင်းရင်းမြစ်များ

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Diutronomi 10:14

“Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Fapea Korin 12:2

Iara laseni God hata ghau iara neke haghe kligna ka nabotho fati finogha te liu ra. Iara theome raꞌe laseni jame teke eni tutuani ka thinigu iara na ba neke khogla ka mifi kolho, nu God ngala te laseni na.

Nodi Khoje Hatimare Mae Jiu 113:6

Mana au neu kligna ne pogho soru ne filo sukha pari mala toghodi nogna naiknore.

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Nodi Khoje Hatimare Mae Jiu 68:33

Ghotilo koje ranghini mae ihei te nolo tafri teu ka maloa kligna, maloa igne neke au vuha tifa. Fanomho si ghotilo, mana eha fabiꞌo jateula fila eghu.

Jenesis 7:11

Kate namno gobi finogha gnahi mae Noa igne nabritha biꞌo na ne funu mei kate ari te khaputu nabotho fitu narane re ka fapea nhigra ka finogha tuana. Ka narane tuana glose na ne bagra pea eghuteuna khoꞌu biꞌo teke au ke pari glose na ne fura haghe kligna. Eghuteuna nakhete biꞌo fara na ne funu thofa soru ka khoveo te au ka maloa na.

Jenesis 1:6

Aonu God ne cheke eghu, “Khoꞌu, iagho na fnota phea, kaisei mala au kligna nei keha na mala au pari.” Khoꞌu na ne thofno leghuni chekegna God na ne fnota phea.

Fapea Kronikols 2:5

“Iara ghaoghatho mala horo kaisei famane Sugablahi biꞌo malagna mana, naugna nomi God ghehati maemi Israel igne haghe fara salaꞌudi keha god are.

Nodi Khoje Hatimare Mae Jiu 69:35

God ginauna fakarhidi naikno te au ka namono Jerusalem, eghuteuna nake babana fapulo namono te au ka nohi Juda. Nogna naikno mana re ginauna au jare, eghuteuna mare ginauna na khotogna glose tuana.