Nodi Khoje Hatimare Mae Jiu 148:14 - Buka Blahi Ka Cheke Holo

¹⁴ Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Nodi Khoje Hatimare Mae Jiu 148:14 ပူးပေါင်းရင်းမြစ်များ

Nodi Khoje Hatimare Mae Jiu 75:10

Mana ginauna roꞌe soru nodi nolaghi naikno te diꞌare, nu mana ginauna tusu lao nolaghi ka naikno te doglore.

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Diutronomi 4:7

Keha kantri te biꞌo igre, neuba mare ne au nolaghi biꞌo jateula unha neu, nu nodi god re theome au baludi jateula Lord te au baluda tahati gne eghu. Kate tarai tahati ka mana na, mana ginauna nomhi ghita fabrahu.

Ululahu Samuel 2:1

Aonu Hana ne tarai eghu: “Lord na pala haghe ghau iara! Iara thofno glealeꞌa fara ka glepo te eni iagho igne! Gognarona iara tangomana te maꞌe kolho ka nogu naoka re, naugna iagho ne togho ghau iara.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Diutronomi 10:21

Ghotilo ghatho tahuni Lord! Eigna mana ngala nomi God ghotilo mae ihei teke edi glepo biꞌo te mamhaghuana teke filodi ghotilo ra.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Efesus 2:13

Uve, tifa na ghotilo neke au fakhaba ka God. Nu gognaro na ghotilo kaisei balugna mae Jisas Kraes. God hata ghami ghotilo mala mei namo ka mana, naugna dadaragna Kraes teke thofa ka glehegna jateula kaisei fafara.

Nodi Khoje Hatimare Mae Jiu 149:9

Uve, tahati ginauna na jateula te chekeni God ia eghu mala paradi kantri tuare. Nogna naikno God re tangomana te ulu ka magra jateula tuana teuna. Tahati kilo fnaknoni Lord!

Efesus 2:19

Eghume ghotilo iheire te theome Jiura, ghotilo theome jateula naikno te posa mei ka namono delei eghu. Theo. Ghotilo gognaro na kaisei vike baludi nogna naikno God, nei tharaknagna mana.

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Luku 1:52

Mana ne nhaꞌa sorudi mae funeire ka nodi sape nafnaknore, eghuteuna ke nhaꞌa haghedi mae iheire teke nhaꞌa faparidi thedire.

Profet Jeremaea 17:14

Lord, iara cheke fakeli nigho fabrahu! Fablahi ghau iara te fogra gne mala ke keli fapulo iara. Jame te fakarhi ghau iara iagho na, iara ginauna karha fabrahu.

Nodi Khoje Hatimare Mae Jiu 145:10

Lord God, gobigna lepo teke edi iagho ra ginauna kilo fnakno nigho, nei nou naikno te gnafa iagho gre ginauna tegio ranghi nigho iagho.

Nodi Khoje Hatimare Mae Jiu 92:10

Iagho tusu mei nanheta biꞌo ka iara, jateula nogna nanheta lion eghu. Iagho neke vahi ghau iara mala thumu neku.

Nodi Khoje Hatimare Mae Jiu 89:17

Iaghou ngala te togho ghami ghehati te tapla sorudi nomi naoka kau magra na. Uve, iagho neke togho ghami ghehati mala uluni ghehati magra na, naugna iagho ne namha ghami ghehati fara.

Nodi Khoje Hatimare Mae Jiu 89:18

Lord God, iagho ngala te vahini naikno na te mala saghe leghu ghami ghehati na. Uve, iagho ngala te blahi na nei iagho ngala nomi God ghehati mae Israel, nei iagho ngala teke vahini mae king te mala funei fruni ghami ghehati na.