Nodi Khoje Hatimare Mae Jiu 147:9 - Buka Blahi Ka Cheke Holo

⁹ Mana tusu lao ghedi gano buluka, nei faghamudi sua nanghaji ka vido te rofo te magnahaghei ghedi gano na.

Nodi Khoje Hatimare Mae Jiu 147:9 ပူးပေါင်းရင်းမြစ်များ

Thoutonu Eigna Mae Job 38:41

Ihei te faghedi gano nanghaji biꞌo igre ka vido te rofo te hiro ghedi gano re? Uve, ihei te faghamu re thudi nanghaji igre kate rofo nodi te tanhi mei ka iara re?”

Matiu 6:26

Filo si ghotilo ka nanghaji te flalo tafri are. Reꞌe theome joꞌu sisi nei theome pulei gano mei mala bubukrei ka suga na. Nu mae Kmami ghotilo te au kligna na te faghamudire. Filo si ghotilo, ghotilo glepo ke uludi nanghaji igrei ka tathagna God na.

Nodi Khoje Hatimare Mae Jiu 136:25

Mana tangomana te tusu lao gano ka naiknore mala ghamu e boho. Mana ne namha ghita tahati tifa tifa.

Luku 12:24

Kulu filo laodi si ghotilo nanghaji are. Rehati theome nanga nodi te mala loku kaisei nagare te mala hata gano na, ba rehati theo kaisei suga la te mala tathaji gano na. Nu neuba ngau, God ngala te faghamudire. Nu ghotilo na glepo ulu fara ka tathagna God na ke tulaodi nanghaji igrei.

Jenesis 6:21

Iagho ginauna na jaola atha mei naba gano ka vaka na malami ghotilo nei nanghaji nei bosu nei saba nei cheche teu te gnafa are eghu.”