Nodi Khoje Hatimare Mae Jiu 147:15 - Buka Blahi Ka Cheke Holo

¹⁵ Kate cheke lao mana ka nauthoglu igne na, unha te chekeni mana na ginau ghosei thakle mei tutuani fara ngala.

Nodi Khoje Hatimare Mae Jiu 147:15 ပူးပေါင်းရင်းမြစ်များ

Thoutonu Eigna Mae Job 37:12

Khoveo igre flalo tongana tei faligohoni nauthoglu igne leghuni gaoghathogna God, eghuteuna reꞌe edi unha teke cheke ranghidi mana re.

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Matiu 8:13

Aonu, mae Jisas ne cheke eghu ka mae funeidi hatimare mae armi di Rom gre, “Ke pulo sagho ka sugamu na. Naugna ka nou fatutuani iagho na nou mae gloku iagho na mana ginauna nake keli fapulo.” Aonu nogna mae gloku mana teke fogra na ghosei neke keli fapulo ka vido narane tuana.

Nodi Khoje Hatimare Mae Jiu 107:25

Kate cheke mana na, u nuri biꞌo na neke mei neke malu nhorora na.

Nodi Khoje Hatimare Mae Jiu 107:20

God neke cheke ranghidi neke keli fapulo thinidire. Uve, mana neke fakarhidi kau glehe.

Nodi Khoje Hatimare Mae Jiu 68:11

Noda Lord neke cheke ranghidi naiknore, eghuteuna kmana gaꞌase ne jifla ne tei toutonuni chekegna mana igne.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Profet Jona 1:4

Nu Lord eni nuri biꞌo na ne ghaghafa mei ne malu thongna na, eghuteuna vaka na ne namo phosa.

Thoutonu Eigna Mae Job 34:29

Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.