Nodi Khoje Hatimare Mae Jiu 147:10 - Buka Blahi Ka Cheke Holo

^10-11 Lord na keli tagna fara ka iheire te ghatho tahuni mana re, ba iheire te au nodi grouronu ka nogna namha biꞌo mana na. Nu mana theome keli tagna ka iheire te au nodi grouronu ka nogna nanheta hose kolho, ba ka nodi nolaghi hatimare mae soldia kolho.

Nodi Khoje Hatimare Mae Jiu 147:10 ပူးပေါင်းရင်းမြစ်များ

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Proveb 21:31

Hatimare mae soldia tangomana te tarabana hose mala magra na. Nu Lord kaisei ngala te laseni te mala uluni mare magra na.

Profet Hosia 1:7

Nu iara ginauna kokhonidi naiknodi Juda igre mala toghodi. Iara nodi Lord God mare, eghuteuna iara ginauna fakarhidi. Theome ka naflahi, ka phaloho, ka jata, ba ka hose. Theo. Nu iara Lord, God mae ihei te au nolaghi fateote'o, iara ginauna fakarhidi.”

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Thoutonu Eigna Mae Job 39:11

Neuba ne nheta fara naꞌa, iagho theome tangomana te ronuni naꞌa thegna te mala edi nou gloku iagho re.