Nodi Khoje Hatimare Mae Jiu 146:6 - Buka Blahi Ka Cheke Holo

⁶ Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Nodi Khoje Hatimare Mae Jiu 146:6 ပူးပေါင်းရင်းမြစ်များ

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Nodi Khoje Hatimare Mae Jiu 100:5

Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Eksodas 20:11

Naugna ka fafamno narane na iara Lord neke vuavuhadi nauthoglu, maloa, nhorora nei gobi nafnotu fateote'o te au ke lamnadi. Nu ka fafitu narane na, iara neke gnafa. Naugna igne, iara Lord neke fablahini narane Sabat gne mala nogu narane iara.

Kolose 1:16

Naugna mae Kraes thegna ngala mae vuavuha na, mae ihei teke vuavuhadi gobigna lepo te filodi nei theome filodi tahati, ba gobigna lepo ka nauthoglu igne nei kligna, ba nhuludi mae engel ba naitu te gnafa te au nolaghi te mala funei fruni. Mana neke vuavuhadi gobigna lepore mala ghatho tahuni nanghagna mae Jisas Kraes.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Nodi Khoje Hatimare Mae Jiu 95:5

Mana neke vuavuha thonga nei moumolu la ngau eghu. Uve, thua nafnotu igre au kolho ka khamegna mana.

Nodi Khoje Hatimare Mae Jiu 89:2

Iara laseni nou namha biꞌo iagho na ginau au fabrahu, eghuteuna puhi te tajini iagho nou nhaꞌa cheke na igne jateula maloa te au fabrahu ana eghu.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Nodi Khoje Hatimare Mae Jiu 117:2

Lord na thofno namha ghita tahati gnafa, eghuteuna mana tajidi nogna nhaꞌa chekere ranghi ghita. Tahati cheke fakelini Lord!

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Jone 1:3

Eghuteuna God neke vahini mana mala edi gobigna lepore. Eghume gobigna lepo gre mana ngala teke edire.

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.

Jone 10:34

Mae Jisas ne cheke eghu ka mare, “Te risoni ka nomi vetula ghotilo themi na, God neke cheke eghu, ‘Ghotilo kafe jateula God eghu.’

Nodi Khoje Hatimare Mae Jiu 98:3

Mana tajini nogna nhaꞌa cheke na teke eni mana baludi nogna naikno Israel, naugna mana thofno namha ghita fabrahu. Naikno te gnafa ka namono te gnafa gre la lasenihi noda God tahati na uludihi hatimare mae naoka kau magra na.

Nodi Khoje Hatimare Mae Jiu 89:33

Nu iara ginauna na namhani fabrahu mae Devet, eghuteuna iara ginauna tajini nogu nhaꞌa cheke teke eni ka mana na.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.