Nodi Khoje Hatimare Mae Jiu 146:4 - Buka Blahi Ka Cheke Holo

⁴ Kate lehe na, mare ginauna vuhai glose kolho, eghuteuna unha teke ghathoni mare na ginauna ari theo nafugna kolho.

Nodi Khoje Hatimare Mae Jiu 146:4 ပူးပေါင်းရင်းမြစ်များ

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Nodi Khoje Hatimare Mae Jiu 104:29

Nu kate theome fei ghedi iagho na, rehati na rofo fara. Eghuteuna kate atha fadelei iagho tadi u nuinuri na, rehati na lehe, nake pulo ka glose teke vuavuhadi iagho gne.

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Ululahu Korin 2:6

Tutuani, u cheke glalase te farirhiu iara ranghidi iheire te kotu haghe tela biꞌohi nakarhadire ka khiloau na igne theome nodi glalase iheire te lalase fara kau nauthoglu igne nei nodi iheire mae te nolaghi te funei frunini nauthoglu igne. Eghuteuna mare ginauna na ari luvu kolho.

Nodi Khoje Hatimare Mae Jiu 33:10

Lord na rorhoꞌe nodi groghei hatimare mae bongihehe re. Mana theome snakredi mare te eni unha te vaovatoni mare na.

Thoutonu Eigna Mae Job 27:3

Kate au teu katha nakarhagna God ke lamnagu iara na,

Thoutonu Eigna Mae Job 17:11

Nogu narane iara re la salaꞌuhi. Nogu grouronu iara re la dofidi. Eghuteuna nagnafagu iara na theome glealeꞌa.

Thoutonu Eigna Mae Job 14:21

Neuba naikno gre ne fafnaknodi thudi mae te lehe ra, nu mana theome laseni kolho. Eghuteuna neuba mare ne famamajadi naikno igre, mana jaola theome laseni.

Profet Daniel 5:23

Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.

Lamentations 4:20

King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Nodi Khoje Hatimare Mae Jiu 90:3

Kate lehe na iagho nake hata fapulo ghami ka glose mala ke vuhai nakrofu. Uve, iagho nake atha fapulo ghami ghehati ka glose teke vuavuha ghami iagho na.

Thoutonu Eigna Mae Job 17:1

“Nakarhagu iara na diꞌa gognarona, eghuteuna glehegu iara na la namo mei gognarona. Bekugu iara na tarabanahi.

Thoutonu Eigna Mae Job 14:10

Nu kate glaꞌe soru te lehe naikno na, igne ngala leghu lahugna mana na.

Jenesis 6:17

Iara ginauna na kuru meini kaisei nabritha te biꞌo mala thafru namono te gnafa ka u nauthoglu igne mala roꞌe fahuidi gobigna lepo te karha ka u nauthoglu igne.

Eklesiasti 9:6

Uve, puhidi te mala namhadi keha naikno ra, nei puhi te mala sukudi keha naikno ra, nei puhi te mala goghotudi keha naikno re teura la lehehi baludi mare. Mare theome tangomana te au baludi gobigna lepo te edi fabrahu ka nauthoglu igne.