Nodi Khoje Hatimare Mae Jiu 145:9 - Buka Blahi Ka Cheke Holo

⁹ Leuleghu fata na thono keli fara ranghi ghita hui, nei mana tangomana te kokhoni ghita na eghu.

Nodi Khoje Hatimare Mae Jiu 145:9 ပူးပေါင်းရင်းမြစ်များ

Profet Nahum 1:7

Lord na thofno keli fara. Mana tangomana te reireghi fakelidi nogna naiknore ka narane te thoke mei puhi biꞌo ka mare na. Mana nodi vido keli mala poru iheire te fatutuani ni mana re.

Nodi Khoje Hatimare Mae Jiu 100:5

Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Mae Khuru 17:25

God igne theome kmo'e ka kaisei glepo mala toghoni tahati. Theo. Naugna mana thegna ngala teke tusu lao nakarha nei phaphanga nei gobigna lepo teu ka naikno te gnafare.

Profet Jona 4:11

Gaju te kokhoni nouni iagho igne thono ikoi fara. Nu namono Ninive igne thono biꞌo fara, salaꞌuni kaisei gobi varadaki thogha naikno te au tagna na. Gaoghathodire jateula sua te theome laseni unha te keli ba unha te diꞌa teura eghu, eghuteuna kmana buluka jaola au ke lamnagna namono biꞌo igne. Ba, te ghathoni iagho na theome naba iara te mala kokhonidire?”

Nodi Khoje Hatimare Mae Jiu 104:27

Kate rofo na, glepo igre filo ari ka iagho te mala fei ghedi na.

Mae Khuru 14:17

Neubane eghu ngau, mana leuleghu fata na lolokelidi naiknore nei fatakleni thegna ranghidi. Uve, mana neke tusu ranghi ghami ghotilo nakhete te soru mei kau maloa gne, nei nhigra mala fabruara gano. Mana jaola tusu ranghi ghami ghotilo kmana gano, nei faglealeꞌadi nagnafami ghotilo re.”

Nodi Khoje Hatimare Mae Jiu 25:8

Naugna Lord na mae doglo nei mae keli eghu, mana farirhiudi naikno te diꞌa re mala leghuni puhigna mana na.

Jenesis 9:10

Eghuteuna iara na jaola eni nhaꞌa cheke igne ranghidi glepo te karha te gnafa teke jifla balumi ghotilo ka vaka na are.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.