Nodi Khoje Hatimare Mae Jiu 145:4 - Buka Blahi Ka Cheke Holo

⁴ Lord God, nou naikno iagho gre ginau kilo fnakno nigho eidi glepo te keli teke edi iagho ranghidire baludi goro sua teke karha mei ka vikedi mare gre. Uve, mare ginauna cheke thakledi koba nou gloku biꞌo iagho ra.

Nodi Khoje Hatimare Mae Jiu 145:4 ပူးပေါင်းရင်းမြစ်များ

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Profet Isaia 38:19

Ghehati te karha nga teugre, ghehati kolho te tangomana te cheke fakeli nigho na, jateula te eni iara gognarogne eghu. Kmami ghehati gre toutonu koba ka thudire eigna puhi te tajini fabrahu iagho nou nhaꞌa cheke na.

Diutronomi 6:7

Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Nogna Buka Esta 9:28

Funu gognaro te haghe na, tharakna te gnafa, phagusu nate karha mei thogheiro, nei naikno te au ka provins te gnafa nei ka namono biꞌo te gnafa teu igre mala ghatho tahuni leuleghu finogha Narane Biꞌo Purim igne.

Thoutonu Eigna Mae Job 8:10

Te keli na iagho fanomho ka nodi famane farirhiu kuꞌeda tifa ra. Kuꞌeda re tangomana te chekedi ka iagho glepo te keli re.