Nodi Khoje Hatimare Mae Jiu 145:15 - Buka Blahi Ka Cheke Holo

¹⁵ Lord God, gobigna lepo te karha gre filo ari ka iagho, eghuteuna iagho tusu ranghidi gano ka vido te rofo na.

Nodi Khoje Hatimare Mae Jiu 145:15 ပူးပေါင်းရင်းမြစ်များ

Nodi Khoje Hatimare Mae Jiu 136:25

Mana tangomana te tusu lao gano ka naiknore mala ghamu e boho. Mana ne namha ghita tahati tifa tifa.

Nodi Khoje Hatimare Mae Jiu 104:27

Kate rofo na, glepo igre filo ari ka iagho te mala fei ghedi na.

Mae Khuru 17:25

God igne theome kmo'e ka kaisei glepo mala toghoni tahati. Theo. Naugna mana thegna ngala teke tusu lao nakarha nei phaphanga nei gobigna lepo teu ka naikno te gnafare.

Matiu 6:26

Filo si ghotilo ka nanghaji te flalo tafri are. Reꞌe theome joꞌu sisi nei theome pulei gano mei mala bubukrei ka suga na. Nu mae Kmami ghotilo te au kligna na te faghamudire. Filo si ghotilo, ghotilo glepo ke uludi nanghaji igrei ka tathagna God na.

Luku 12:24

Kulu filo laodi si ghotilo nanghaji are. Rehati theome nanga nodi te mala loku kaisei nagare te mala hata gano na, ba rehati theo kaisei suga la te mala tathaji gano na. Nu neuba ngau, God ngala te faghamudire. Nu ghotilo na glepo ulu fara ka tathagna God na ke tulaodi nanghaji igrei.

Jenesis 1:30

Eghuteuna iara jaola neke vuavuha gano igre maladi nanghaji te gnafa ba glepo te tautagu te biꞌo ba te ikoi nei sisi ba khakla gaju eghu mala gano.” Aonu glepo igre ne thofno leghuni chekegna God.

Profet Joel 2:22

Ghotilo glepo te tautagu ra! Ghotilo thosei mhaghu. Buburu ra kela thugru fapulo. Gaju ra kela ure fapulo. Eghuteuna gaju fig nei grep teura jaola kela ure fapulo.

Nodi Khoje Hatimare Mae Jiu 104:21

Sua lion re nguru fabiꞌo ka vido aheva te tei hiro gano na. Uve, reꞌe hiro ra ghedi gano teke tusu ranghidi iagho re.

Nodi Khoje Hatimare Mae Jiu 145:9

Leuleghu fata na thono keli fara ranghi ghita hui, nei mana tangomana te kokhoni ghita na eghu.