Nodi Khoje Hatimare Mae Jiu 145:10 - Buka Blahi Ka Cheke Holo

¹⁰ Lord God, gobigna lepo teke edi iagho ra ginauna kilo fnakno nigho, nei nou naikno te gnafa iagho gre ginauna tegio ranghi nigho iagho.

Nodi Khoje Hatimare Mae Jiu 145:10 ပူးပေါင်းရင်းမြစ်များ

Nodi Khoje Hatimare Mae Jiu 19:1

Kate filo haghe ka maloa na, tahati filoni nogna nolaghi biꞌo God na. Eghuteuna kate filo haghedi gobigna lepo ka maloa na igre, tahati thofno filoni nogna famane gloku teke eni mana ka khamegnare.

Nodi Khoje Hatimare Mae Jiu 103:22

Ghotilo gobigna lepo teke vuavuha ghami Lord te au heva heva te funei fruni ghami mana ra, ghotilo cheke fakelini nanghagna mana na! Iara jaola cheke fakelini nanghagna mana na!

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Profet Isaia 44:23

Ghotilo gobigna lepo ka maloa ra, nei ghotilo gobigna lepo ka nauthoglu ra eghu koje balu glealeꞌa! Ghotilo thogele nei gaju fateote'o teura, ghotilo jaola glealeꞌa balu eha fabiꞌo! Ghotilo kilo fnaknoni Lord, naugna Mana neke fakarhidi nogna naiknore neke fakakhana nogna nolaghi na ranghini Israel.

Nodi Khoje Hatimare Mae Jiu 104:24

Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Nodi Khoje Hatimare Mae Jiu 97:12

Puhimi ghotilo te gnafa na thofno doglo fara, ghotilo mala glealeꞌa nei cheke fakelini Lord mae ihei te blahi.

Nodi Khoje Hatimare Mae Jiu 68:26

Mare ne koje eghu, “Tahati nogna naikno God ra kafe mei mala koje kilo fnaknoni mana. Tahati vikegna Jekop ra pala hagheni nanghagna Lord.”

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Nodi Khoje Hatimare Mae Jiu 30:4

Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Nodi Khoje Hatimare Mae Jiu 22:23

Iara ginauna na cheke eghu, “Ghotilo maemi Israel, vikegna mae Jekop te ghatho tahuni nei pogho soruni teu God ra. Ghotilo mala cheke fakelini mana.

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Nodi Khoje Hatimare Mae Jiu 57:9

Lord, iara na cheke fakeli nigho ke uludi naikno igre, eghuteuna iara ginauna koje kilo fnakno nigho ke uludi keha kantri gre.

Nodi Khoje Hatimare Mae Jiu 69:35

God ginauna fakarhidi naikno te au ka namono Jerusalem, eghuteuna nake babana fapulo namono te au ka nohi Juda. Nogna naikno mana re ginauna au jare, eghuteuna mare ginauna na khotogna glose tuana.

Nodi Khoje Hatimare Mae Jiu 149:5

Tahati nogna naikno mana tekura, tahati glealeꞌa naugna tahati la uluni hila u magra na. Uve, tahati glealeꞌa mei koje eghu ghilei rane.