Nodi Khoje Hatimare Mae Jiu 144:5 - Buka Blahi Ka Cheke Holo

⁵ Lord God, tora sagho maloa na mala soru mei. Habo sagho khamemu are ka thogele are mala jifla mei gagahu.

Nodi Khoje Hatimare Mae Jiu 144:5 ပူးပေါင်းရင်းမြစ်များ

Nodi Khoje Hatimare Mae Jiu 104:32

Kate filo soru mana kau nauthoglu igne na, glose na ne nghali jateula nakheu neu. Uve, kate habo lao mana ke klignadi thogelere, gagahu na jifla mei jateula khaꞌaghi eghu.

Nodi Khoje Hatimare Mae Jiu 18:9

Mana tothora maloa na ne soru mei. Eghuteuna kaisei gromno ne au ke paridi phei ghahegnare.

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Hibru 12:18

Ghotilo theome jateula naiknodi Israel tifa teke tei ka Thogele Sanai ia eghu. Kaisei fata kate mei namo ka thogele na, mare neke filoni u khaꞌaghi biꞌo na neke dudulu kligna, eghuteuna ka vido te romno fara tuana, nuri blahi na jaola neke ghaghafa mei tagna.

Nodi Khoje Hatimare Mae Jiu 18:10

Kaisei engel ne palani mana ne ghosei flalo ne mei ka nuri biꞌo na.