Nodi Khoje Hatimare Mae Jiu 144:4 - Buka Blahi Ka Cheke Holo

⁴ Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Nodi Khoje Hatimare Mae Jiu 144:4 ပူးပေါင်းရင်းမြစ်များ

Nodi Khoje Hatimare Mae Jiu 102:11

Iara karhau katha vido kmoꞌei kolho, jateula naungo te namo dofini fei grafi ra eghu kolho. Uve, iara gne jateula buburu tela brangohira eghu kolho.

Nodi Khoje Hatimare Mae Jiu 109:23

Iara gne jateula naungo gaju te namo salaꞌu ari te dofini fei grafira eghu kolho. Uve, iara gne jateula kaisei naꞌalo te flalo te tei ka nuri ra eghu kolho.

Thoutonu Eigna Mae Job 8:9

Nakarhada tahati na sokmo kolho, eghuteuna tahati theome laseni kaisei glepo. Uve, nakarhada tahati na ghosei tei salaꞌu kolho jateula naungo gaju eghu.

Eklesiasti 12:8

Mae glalase igne neke cheke eghu, “Gobigna lepo fateote'o ka nauthoglu na igre theo nafudi kolho! Uve, theo nafudi tutuani fara, nakarhada tahati na jateula mae ihei te ngolho leghu ka nuria na ia eghu kolho.”

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Eklesiasti 8:13

Nu naikno te diꞌa te theome ghatho tahuni God na, nakarhagna mana na ginauna theome keli, nei na theome brahu kolho eghu.”

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Nodi Khoje Hatimare Mae Jiu 89:47

Ghatho mei ghau iara sagho. Iara gne khogla naikno kolho, eghuteuna nakarhagu iara na theome brahu kolho. Iagho neke vuavuha ghami ghehati mala karha neku, eghuteuna ke leghu na ghehati ginauna mala kafe lehe kolho.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Thoutonu Eigna Mae Job 4:19

Ba, na rouronudi Lord naikno teke horo kolho ka glose igre neu sagho ia? Theo! Mana theome tangomana te rouronuni naikno teke jifla mei kolho ka gaughavu na. Naikno na ghosei lehe kolho jateula kaisei sua naꞌalo te aknu falehe naiknora eghu kolho.