Nodi Khoje Hatimare Mae Jiu 144:13 - Buka Blahi Ka Cheke Holo

¹³ Ghehati magnahaghedi ghemi nagare gre te au kmana ganodi fara, mala fodu nomi belare ka gano te keli. Ghehati jaola magnahaghedi nomi sipure te au kmana thudi.

Nodi Khoje Hatimare Mae Jiu 144:13 ပူးပေါင်းရင်းမြစ်များ

Profet Malakai 3:10

Ghotilo atha mei ka iara fabothodi unha teke atha ghotilo ka nagare are mala kmana ghedi gano nogu mae gloku iara gre. Te eghu ghotilo na, iara ginauna na thofno fablahi ghami ghotilo, eghuteuna ghotilo ginauna na theome kmoꞌe ka gano na. Ginauna ghotilo na laseni unha te chekeni iara igne thofno tutuani fara.

Diutronomi 28:8

“Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Diutronomi 28:4

“Ghotilo ginauna au kmana thumi. Eghuteuna ghemi nagare ghotilo are ginauna vuragha gano. Eghuteuna nomi glepo tautagu ghotilo are ginauna jaola au kmana thudi.

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Levitikas 26:10

Gano nate hata ghotilo ka nomi nagare re ginauna kmana fara salaꞌui, ginauna ghotilo naba gano salaꞌuni finogha thongana na. Eghuteuna leuleghu fata kate ari te gnafa finogha na, ghotilo ginauna tangomana te koko fahui gano teke kulu au re mala au kaisei chogho te krogha maladi gano majaghani.

Levitikas 26:5

Eghume, ghotilo ginauna au ghemi kmana gano salaꞌudi unha ghotilo tangomana te ghathodi. Eghuteuna ghotilo ginauna au ghemi kmana sisi grep salaꞌudi unha ghotilo tangomana te ghathodi. Eghuteuna ka nomi vido ghotilo re ginauna fodu ka gano, eghuteuna ghotilo ginauna tangomana te au fakeli.