Nodi Khoje Hatimare Mae Jiu 144:12 - Buka Blahi Ka Cheke Holo

¹² Ghehati magnahaghedi hatimare mae thumi nalhaꞌu majaghani gre te mala nheta jateula gaju te famane kotura eghu. Uve, ghehati magnahaghedi thumi gaꞌase gre te mala famane fara jateula famane thotogale te lilisei ka gringnigna nogna suga biꞌo mae king ia eghu.

Nodi Khoje Hatimare Mae Jiu 144:12 ပူးပေါင်းရင်းမြစ်များ

Nodi Khoje Hatimare Mae Jiu 128:3

Khetomu iagho na ginauna jateula gaju te ure sisi ia eghu na au kmana thugna, eghuteuna goro sua igre ginauna na jateula gaju ikodi te kotu faligohoni pesigna gaju biꞌo na ia eghu na gnokro faligohoni tevo na balumu iagho.

Thoutonu Eigna Mae Job 42:15

Theo kaisei gaꞌase te famane te salaꞌui jateula thilo thugna gaꞌase mae Job igre teu ka namono te gnafa ka rijon mare igne. Eghuteuna mae Job ne tufa glose ka retilo igre thofno nanaba ka thabusidi retilo igre.

Lamentations 4:2

Mae majaghanidi Jerusalem, mare neke keli fara jateula gol ra neku. Nu gognarona naiknore ghatho faparidi mare, jateula suspen te theo nafudi ra eghu kolho.

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.