Nodi Khoje Hatimare Mae Jiu 143:7 - Buka Blahi Ka Cheke Holo

⁷ Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 143:7 ပူးပေါင်းရင်းမြစ်များ

Nodi Khoje Hatimare Mae Jiu 69:17

Iara gne nou mae gloku iagho, eghume iagho thosei poru ka iara eghu. Puhi biꞌo fara te thoke ghau iara gognaro gne, ghosei cheke tughu mei ka iara.

Nodi Khoje Hatimare Mae Jiu 28:1

Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Nodi Khoje Hatimare Mae Jiu 71:12

God, thosei tei fagaꞌu ghau iara. Nogu God, ghose mei togho ghau.

Profet Isaia 38:18

Naikno te au ka Beku ra theome tangomana te tegio nigho na. Naikno te au ka namonodi iheire tela lehehi ra theome tangomana te cheke fakeli nigho na. Naikno tela lehehi ra theome tangomana te fatutuanini nou nhaꞌa cheke iagho na.

Nodi Khoje Hatimare Mae Jiu 102:2

Kate thoke mei puhi ka iara na, mei togho ghau. Kate eha mei iara ka iagho na, nomhi mei ghau nei faghosei mei cheke tughu ghau eghu.

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Luku 21:26

Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne.

Profet Isaia 57:16

Iara ginauna na theome figri tagru ghami, ba diꞌatagu ka ghotilo, naugna jame te eghu fabrahu iara na, ghotilo ginauna na glaꞌe soru. Uve, jame te eghu ghotilo na, ghotilo iheire teke tusu ari iara nakarha na tami ra ginauna lehe.

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Nodi Khoje Hatimare Mae Jiu 70:5

God, ghose mei ka iara, naugna iara gne kuma, iara gne theo kaisei nogu glepo gognaro na. Eghume, Lord God, iagho ghose mei togho ghau iara, naugna iagho ngala te tangomana te fakarhi ghau iara na.

Nodi Khoje Hatimare Mae Jiu 40:17

Tore, iara kuma, nei theo nogu nolaghi eghu, nu iagho na theome ghatho iho ghau iara, iagho ghatho ghau iara fabrahu. Nogu God, iagho ngala mae te mala togho ghau iara na. Faghose mei mala fakarha ghau iara.

Nodi Khoje Hatimare Mae Jiu 22:24

Mana theome tangomana te ghatho ihodi figri tagrudi teu iheire te kuma, ba iheire te au papara. Nu mana tangomana te cheke tughudi unha te toredi mare ka mana re.”

Nodi Khoje Hatimare Mae Jiu 84:2

Iara magnahagheni fara te au jare na! Lord God, iara thono magnahagheni fara te au ke lamnagna nou Sugablahi iagho na. Iagho ngala God mae ihei te karha tifa te tifa na. Ka nakarhagu fateote'o na, iara koje naugna iara thofno glealeꞌa fara ka iagho.

Nodi Khoje Hatimare Mae Jiu 69:18

Mei fakarhi ghau, nei mei atha fajifla ghau eghu ka khamedi nogu naoka gre.

Proveb 13:12

Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.