Nodi Khoje Hatimare Mae Jiu 143:6 - Buka Blahi Ka Cheke Holo

⁶ Gognaro na nakarhagu iara na thono jateula glose te mojara eghu. Eghume iara ngafa haghe khamegu na ka iagho balu tharai, naugna iara thono magnahaghei nigho iagho fara te jateula kaisei mae te magnahaghei koꞌura teuna.

Nodi Khoje Hatimare Mae Jiu 143:6 ပူးပေါင်းရင်းမြစ်များ

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Thoutonu Eigna Mae Job 11:13

“Nu iagho fadoglini gaoghathomu na, eghuteuna ngafa haghe khamemu re mala tarai ka God.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Nodi Khoje Hatimare Mae Jiu 84:2

Iara magnahagheni fara te au jare na! Lord God, iara thono magnahagheni fara te au ke lamnagna nou Sugablahi iagho na. Iagho ngala God mae ihei te karha tifa te tifa na. Ka nakarhagu fateote'o na, iara koje naugna iara thofno glealeꞌa fara ka iagho.

Nodi Khoje Hatimare Mae Jiu 44:20

Nomi Lord, jame te theome pogho soru nigho, nei tarai ghehati ka mumuju teuna,

Profet Isaia 35:7

Eghuteuna namono nagou teke au nusu brana kolho tadira, ginauna kholo biꞌo au tagna. Namono te theome keli teke au khuma mata ra, ginauna thua nafnata buburu khoꞌu ginauna kotu tagna.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Eksodas 9:29

Aonu mae Moses ne cheke eghu ka mana, “Uve, kate jifla ari iara kosi ka namono biꞌo igne na, iara ginau na ngafa haghe khame ghu gre mala tarai ka Lord. Eghuteuna fila igne ginau na gnafa, eghuteuna nakhete thina aes igne ginau na hui eghu ngala signea. Eghume iagho ginau na laseni, u glose igne nogna Lord kolho.

Thoutonu Eigna Mae Job 7:2

Nakarha igne jateula kaisei naikno sneka te babaꞌo fara te magnahaghei tei gnafa ka naungogna gaju te jemnu ra eghu. Uve, nakarha na jateula mae gloku te ofo mala hata nogna taba ra eghu.

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 88:10

Ba? U kofubobhoi te edi iagho are mala fakakhana mae iheire tela lehehira sarea? Ba, mae iheire tela lehehira tangomana teke kegra haghe teke mala kilo fnakno nigho iagho na? Theo fara!