Nodi Khoje Hatimare Mae Jiu 143:12 - Buka Blahi Ka Cheke Holo

¹² Naugna te biꞌo iagho nou namha na ka iara gne, falelehe sagho nogu mae naoka iara gre, eigna mare goigoni ghau iara fara nou mae gloku gne.

Nodi Khoje Hatimare Mae Jiu 143:12 ပူးပေါင်းရင်းမြစ်များ

Nodi Khoje Hatimare Mae Jiu 54:5

God na tangomana te goigonidi nogu naoka iara re. Puhi te diꞌa teke edi mare ka iara re, mana tangomana teke eni fafigri ka mare puhi te diꞌa tuana. God, thosei tei koko ghau, nu iagho tangomana te fahuidi naoka igre!

Nodi Khoje Hatimare Mae Jiu 116:16

Lord God, iara gne kaisei nou mae gloku iagho jateula idogu tifa ia eghu. Iagho neke fakarhi ghau iara kau glehe.

Nodi Khoje Hatimare Mae Jiu 119:94

Iara nou naikno iagho kolho, eghume iara thosei theo te fakarhi ghau iara na eghu. Tutuani, iara thofno fariuriu fara te mala leghudi nou cheke iagho re.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 52:5

Nu God ginauna na tapla soru nigho mala theome tangomana iagho teke kegra haghe na. Mana ginauna na loku famaku nigho, nei na khi fajifla nigho ka nou suga na. Eghuteuna mana ginauna na koko soru nigho kau namonodi iheire te au ka glehe ra.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Ululahu Samuel 25:29

Neuba ihei ne ngolhi nigho mala falehe nigho neu, Lord ginauna reireghi nigho jateula mae te reireghidi nogna glepo ra eghu. Mana ginauna koko soru nou naoka iaghore pari, jateula mae te koko soru thina te plulu ka khoꞌura eghu.

Nodi Khoje Hatimare Mae Jiu 54:7

Iagho neke hata fadelei ghau iara ka puhi teke edi mare ranghi ghau iara ra, eghuteuna iara filodi nogu naoka iara ra la theo nafudi kolho.