Nodi Khoje Hatimare Mae Jiu 143:10 - Buka Blahi Ka Cheke Holo

¹⁰ Iagho nogu God iara, farirhiu ghau iara sagho mala unha te magnahaghedi iagho re. Kokhoni ghau nei baubatu ghau eghu ka nabrou te karha.

Nodi Khoje Hatimare Mae Jiu 143:10 ပူးပေါင်းရင်းမြစ်များ

Jone 14:26

Nu mae Tharunga te Blahi te mala togho ghami ghotilo na, mae Mama ginauna kuru meini mana ka nanghagu iara. Kau narane te mei mana na, mana ginauna farirhiu ghami ghotilo gobigna lepore, eghuteuna mana ginauna eni igne mala ke ghatho fapulodi ghotilo gobigna lepo teke chekedi iara ka ghotilo ra.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Nodi Khoje Hatimare Mae Jiu 23:3

Mana tusu mei gaoghatho majaghani ka iara. Eghuteuna farirhiu ghau iara mala leghuni iara puhi te doglo na, naugna puhigna thegna Lord na thofno doglo fara.

Nodi Khoje Hatimare Mae Jiu 119:12

Lord God, iara cheke fakeli nigho. Farirhiu ghau iara sagho nou vetulare.

Nehemaea 9:20

Tharungamu iagho na thofno keli fara, eghuteuna iagho kuruni mana mala farirhiudi mare. Iagho tusu ranghidi bret gna kligna te kiloi ‘manna’ mala ghamu mare, eghuteuna iagho tusu ranghidi khoꞌu mala koꞌu.

Ululahu Jone 2:27

Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Letas Teke Riso Tei Mae Pol Ka Khiloau Rom 15:13

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Nodi Khoje Hatimare Mae Jiu 140:6

Leuleghu fata na iara cheke eghu, “Lord God, iagho nogu God iara.” Nomhini sagho nogu tharai iara gne.

Nodi Khoje Hatimare Mae Jiu 31:14

Nu Lord, iara au nogu grouronu ka iagho. Te chekeni iara na, iagho nogu God iara.

Letas Teke Riso Tei Mae Pol Ka Khiloau Rom 8:26

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Letas Teke Riso Tei Mae Pol Ka Khiloau Rom 5:5

Eghuteuna u grouronu igne theome mala fadiꞌa nagnafa ghita tahati. Naugna God neke falalasehi nogna namha na ka tahati nei mana neke kuru mei nogna Tharunga te Blahi na mala au ke lamnada.

Nodi Khoje Hatimare Mae Jiu 119:35

Baubatu ghau ka puhimu iagho, naugna kate leghudi iara nou cheke iagho re, iara thono kelitagu fara.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Profet Isaia 63:14

Lord ne tusu lao ka nogna naiknore kaisei vido mala gnafa, jateula mae te batudi nogna bulukare te tei ka vido te au buburu te keli ra neku. Naugna igne naiknore ghatho tahuni fara nanghagna mana na.

Nodi Khoje Hatimare Mae Jiu 25:12

Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Profet Maeka 4:2

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla mei Jerusalem, eghuteuna mana ginauna farirhiudi naiknore puhigna mana heva heva.

Nodi Khoje Hatimare Mae Jiu 139:24

God, filo meini sagho nakarhagu iara gne, glahula me au meu keha thona tagna. Baubatu ghau iara sagho ka puhimu iagho te keli fara te au fabrahu te tifa te tifa ana.

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Letas Teke Riso Tei Mae Pol Ka Khiloau Rom 15:30

Kheraguro, naugna tahati kaisei balugna noda Lord Jisas Kraes nei Tharunga te Blahi togho ghita te mala fari namhai, iara thofno tore ghami mala kaisei balugu ka tharai nei toreni God mala togho ghau iara.

Nodi Khoje Hatimare Mae Jiu 118:28

Lord God, iagho nogu God iara, iara magnahaghei te cheke fakeli nigho. Uve, iagho nogu God iara, iara ginau toutonuni nanghamu iagho na.

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Naba 9:22

Jame te au fabrahu gromno na ke kligna gna suga thapuale na nabagna phei narane, ba kaisei nhigra, ba kaisei finogha teuna, mare theome tangomana te jifla kokoni vido tuana. Nu jame te thugha haghe gromno na, mare jaola thugha.

Nodi Khoje Hatimare Mae Jiu 27:11

Lord, farirhiu ghau puhimu iagho na eghuteuna iara ginauna na leghu nigho iagho. Bara fothi ghau, naugna nogu naoka iara gre kmana fara.