Nodi Khoje Hatimare Mae Jiu 142:6 - Buka Blahi Ka Cheke Holo

⁶ Fanomho mei sagho ka nogu tharai thotogho iara gre, naugna gaoghathogure la thofno glaꞌe soruhi. Mei fakarhi ghau iara sagho naugna hatimare mae naoka gre theome tangomana iara te tapla sorudire.

Nodi Khoje Hatimare Mae Jiu 142:6 ပူးပေါင်းရင်းမြစ်များ

Nodi Khoje Hatimare Mae Jiu 79:8

God, thosei para ghami ghehati eidi nakhibo teke edi ghehati tifara. Faghosei kokhoni ghami ghehati sagho, naugna gaoghathomire ghehati la thofno glaꞌe soru fara.

Nodi Khoje Hatimare Mae Jiu 116:6

Mana reireghidi koba iheire te glaꞌe. Uve, mana neke fakarhi ghau iara kani teke au iara ka hoholo na.

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Nodi Khoje Hatimare Mae Jiu 17:1

Lord, iara la khale ka puhi. Fadoglini tagu puhi igne. Fanomhi ghau, nei togho ghau eghu eigna iara theome chaghi.

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Letas Teke Riso Tei Mae Pol Ka Khiloau Rom 8:33

Eghuteuna ihei gne te tangomana te cheke fapari ghita tahati naikno teke vahi ghitahi God gre? Theo kaisei naikno! Naugna God thegna ngala teke chekeni ne naikno doglo tahati teku na.

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 59:3

Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Nodi Khoje Hatimare Mae Jiu 38:19

Nogu naoka iara gre mare theome fogradi e thono heta ghedi fabrahu. Kmana mae fara te tirodi ghau iara na, nu mare theo nafudi kolho eghu.

Nodi Khoje Hatimare Mae Jiu 18:17

Nogu naoka iara re thono nheta fara ne theome tangomana iara te tapla sorudi mare na. Nu God ne hata fapulo ghau iara ka khamedi mare re.

Nodi Khoje Hatimare Mae Jiu 3:1

Lord, nogu naoka iara gre kmana fara.

Ululahu Samuel 24:14

“Iagho nodi king mae Israel, naugna unha sagho te ngolhi ghau iara gnea? Iara gne kaisei khuma lehe kolho. Iara kaisei theli ikoi kolho!

Nodi Khoje Hatimare Mae Jiu 143:3

Nogu naoka iara gre mare ngolhi ghau nei goigoni ni eghu nakarhagu iara na. Gognaro ne iara gne jateula te au teu kate romnora eghu, nei jateula kaisei mae tela lehehira eghu.

Nodi Khoje Hatimare Mae Jiu 27:13

Tutuani fara, iara laseni, iara ginauna karhau ghilei filoni Lord te fablahidi nogna naiknore.

Nodi Khoje Hatimare Mae Jiu 46:2

Eghume, neubane nghali nauthoglu igne ka nakheu, neuba ne diha soru thogele biꞌo igre lamna nhorora, tahati theome tangomana te mhaghudi gobigna lepo te thoke mei ka tahati gre.