Nodi Khoje Hatimare Mae Jiu 142:5 - Buka Blahi Ka Cheke Holo

⁵ Lord God, iara eha mei ka iagho mala togho ghau, naugna iagho ngala vido keli te mala poru iara na. Iara magnahaghei kaisei glepo kolho, glepo igne mala au balumu iagho fabrahu.

Nodi Khoje Hatimare Mae Jiu 142:5 ပူးပေါင်းရင်းမြစ်များ

Nodi Khoje Hatimare Mae Jiu 16:5

God, iagho ngala nafugna nakarhagu iara na. Iagho tusu mei ka iara glepo te kmo'edi iara re. Nakarhagu iara nathuꞌu nauriha na au ka khamemu iagho.

Lamentations 3:24

Te ghathoni iara na, “Lord ngala thua nafnotu te magnahaghedi iara re, eghume iara tangomana te fatutuanini mana na.”

Nodi Khoje Hatimare Mae Jiu 119:57

Lord God, kaisei iagho ngala te tusu mei ka iara u karha na, eghume iara nhaꞌa cheke mala leghudi nou cheke iagho re.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 27:13

Tutuani fara, iara laseni, iara ginauna karhau ghilei filoni Lord te fablahidi nogna naiknore.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Nodi Khoje Hatimare Mae Jiu 73:26

Gaoghathogu nei thinigu teu iara gre tangomana te glaꞌe na, nu iagho God ngala te mala farheta ghau iara na, iagho ngala te au fabrahu ka nakarhagu iara na.

Nodi Khoje Hatimare Mae Jiu 56:13

Eigna iagho ne theome snakreni te lehe iara na ne fakarhi ghau iara. Eghume iara mala kaisei thei ngala balumu iagho ka vido aheva te au iagho baludi nou naiknore te phae fabrahu na.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Nodi Khoje Hatimare Mae Jiu 35:12

Iara keli ranghidi mare, nu mare theome keli ranghi ghau iara, eghume iara la namo glaꞌehi nagnafagu na eghu.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.