Nodi Khoje Hatimare Mae Jiu 142:4 - Buka Blahi Ka Cheke Holo

⁴ Kate filo tafri na, iara theome filoni kaisei naikno te mala togho ghau na, ba te mala bara. Fothi ghau na. Thono theo fara kaisei mae te mei reireghi ghau na.

Nodi Khoje Hatimare Mae Jiu 142:4 ပူးပေါင်းရင်းမြစ်များ

Profet Jeremaea 30:17

Nu iara Lord ginauna nake fakeli fapulo ghami ghotilo, eghuteuna thua fogrami nei thubumi teu ghotilore ginauna nake keli fapulo. Iara eni igne, naugna te chekeni mare na iara ngolho fajifla ghami ghotilo, eghuteuna theo kaisei naikno te ghatho tahudi Juda ghe Israel.” Igne cheke gna Lord.

Nodi Khoje Hatimare Mae Jiu 88:18

Iagho neke toghodi mae kheragu fofodu nei mae mala kaisei cheke teu iara re, mare jaola tei koko ghau iara. Gognaro na iara theo kaisei kheragu fofodu, eghume iara khogla ofoniu kolho glehegu na.

Nodi Khoje Hatimare Mae Jiu 31:11

Nogu naoka iara re cheke fahaehaghe fara ka iara. Tulao, mae kheragu iara gre mare thono cheke fadiꞌa ghau iara. Eghuteuna mae kheragu iara gre mare thono mhaghu ghau iara. Kate filo ghau iara ka nabrou na mare rikha ghau iara.

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Nodi Khoje Hatimare Mae Jiu 69:20

Nodi cheke mare te diꞌa fara igre, thofno goigonini fara gaoghathogu iara na. Eghuteuna gaoghathogu iara na thofno glaꞌe soru gognaro na. Iara ofoni kolho ihei te kokhoni ghau na, nu theo kaisei.

Fapea Timoti 4:16

Ulu lahu te hata ghau iara mare ka fate na, theo kaisei naikno te togho ghau iara na. Thono theo fara. Mare kafe tei koko ghau iara, nu iara taraidi mare mala ghatho ihodi God najafra teke edi mare re eghu.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Profet Jeremaea 25:35

Theo kaisei vido te keli nate rikha te tei poru ghotilo mae funei ra. Tutuani, mae funei re ginauna para ghami ghotilo.

Thoutonu Eigna Mae Job 11:20

Nu tathadi naikno te diꞌa re ginauna dofu. Mare ginauna filo ligoho, nu mare na theome tangomana te rikhani puhi biꞌo na. Kaisei glepo kolho nate magnahagheni fara mare na, mare magnahaghei te lehe kolho.”

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Nodi Khoje Hatimare Mae Jiu 140:6

Leuleghu fata na iara cheke eghu, “Lord God, iagho nogu God iara.” Nomhini sagho nogu tharai iara gne.

Nodi Khoje Hatimare Mae Jiu 141:9

Baubatu fakeli ghau ka nodi phighoro naikno te diꞌa puhidi gre.

Nodi Khoje Hatimare Mae Jiu 143:4

Eghume iara gognaro na namo nigrahila nei jaola la namo gnafahila nogu gaoghatho te kelire.

Profet Jeremaea 18:22

Lisa lao mala diꞌanagnafa nei tanhi fabiꞌo eghu mare kate kuru mei iagho mae te diꞌare mala ghosei mei goigonidi mare. Eni igne sagho naugna mare neke dokha khora malagu iara, eghuteuna mare eni phighoro mala khale iara.

Profet Jona 2:8

“Iheire te loku maku ka mumuju igre, naikno igre theome ghatho tahu nigho iagho.