Nodi Khoje Hatimare Mae Jiu 142:3 - Buka Blahi Ka Cheke Holo

³ Kate glaꞌe soru iara gaoghathogu na iagho laseniu puhi mala teke farerheta fapulo ghau iara na. Hatimare mae naoka gre mare la kulu roghe nodihi te mala goigoni ni u nakarhagu iara na.

Nodi Khoje Hatimare Mae Jiu 142:3 ပူးပေါင်းရင်းမြစ်များ

Nodi Khoje Hatimare Mae Jiu 141:9

Baubatu fakeli ghau ka nodi phighoro naikno te diꞌa puhidi gre.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Profet Jeremaea 18:22

Lisa lao mala diꞌanagnafa nei tanhi fabiꞌo eghu mare kate kuru mei iagho mae te diꞌare mala ghosei mei goigonidi mare. Eni igne sagho naugna mare neke dokha khora malagu iara, eghuteuna mare eni phighoro mala khale iara.

Nodi Khoje Hatimare Mae Jiu 143:4

Eghume iara gognaro na namo nigrahila nei jaola la namo gnafahila nogu gaoghatho te kelire.

Nodi Khoje Hatimare Mae Jiu 61:2

Iara gne au khaba ka nogu namono na, nei diꞌanagnafagu fara eghu. Eghume iara gne na eha ari ka iagho. Hata ghau tei ka kaisei vido te keli mala poru.

Nodi Khoje Hatimare Mae Jiu 102:4

Thinigu iara na la gagaro fara la ghilei nhubragna kolho, jateula buburu tela goꞌehira eghu. Iara la ghilei tirogu imahi gognaro na.

Nodi Khoje Hatimare Mae Jiu 77:3

Kate ghatho laoni iara God na iara ne tanhi, eghuteuna gaoghathogu iara na ne thono glaꞌe fara.

Nodi Khoje Hatimare Mae Jiu 56:6

Mare salo fodu ka vido te mala poru na, eghuteuna filo tutu ka vido aheva te tei iara na mala falehe ghau iara.

Nodi Khoje Hatimare Mae Jiu 31:4

Those snakre ghau iara mala snoꞌo ka phighoro teke kulu lilisei malagu iara teku nogu mae naoka iara igre. Neuba, iagho nogu vido mala poru iara mala theo kaisei hoholo te mei goigoni ghau iara na.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Matiu 22:15

Hatimare mae Farasi ne tei kokoni vido te farirhiu mae Jisas igne. Mare hara phoge mala saosagroni mae Jisas baludi kaisei gusna.

Nodi Khoje Hatimare Mae Jiu 17:3

Iagho laseni gaoghathogu iara na. Bongi thongana na iagho neke mei fariuriuni nakarhagu iara na. Iagho neke theome filoni kaisei puhi te diꞌa ka iara.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Nodi Khoje Hatimare Mae Jiu 102:1

Lord God, fanomho mei ka nogu tharai iara gne, nei fanomhi meini nogu natanhi gne mala togho ghau.

Lamentations 2:19

Leghu bongi, kate tughu mae te reireghi igre, jame te keli na iagho dofra haghe mala tanhi ka Lord. Ngafa haghe khame ka mana, mala toreni mana mala toghodi goro sua. Goro sua igre glehe grofo heva heva ka sulukhugna nabrou biꞌo na.