Nodi Khoje Hatimare Mae Jiu 141:8 - Buka Blahi Ka Cheke Holo

⁸ Lord God, iara au nogu grouronu biꞌo ka iagho, reireghi fakeli ghau, thosei snakre ghau mala lehe.

Nodi Khoje Hatimare Mae Jiu 141:8 ပူးပေါင်းရင်းမြစ်များ

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Profet Isaia 41:17

“Nogu naikno iara igre tanhi mei ka iara mala toghodi, jateula mae ihei te kuma te magnahaghei fara khoꞌu ra eghu. Eghuteuna iara Lord, nodi God mae Israel, iara ginauna nomhidi nodi tharai re na theome ghatho ihodi.

Jone 14:18

Iara na theome tei koko ghami ghotilo, jateula goro sua te theo ihei nga te mala tajidi ra eghu. Naugna iara nake pulo mei mala au balumi ghotilo.

Nodi Khoje Hatimare Mae Jiu 102:17

Mana ginauna nomhidi noda tharai tahati gre, eigna tahati gne theo kaisei namonoda aheva te mala au na.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 11:1

Iara thofno laseni Lord na ginauna togho ghau iara kate mei puhi biꞌo ka iara na. Jau iagho gaoghathomu na cheke eghu ka iara, “Rikha tei sagho ka thogele gno, jateula kaisei nanghaji te mhaghu te rikha te tei ia eghu.