Nodi Khoje Hatimare Mae Jiu 141:5 - Buka Blahi Ka Cheke Holo

⁵ Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Nodi Khoje Hatimare Mae Jiu 141:5 ပူးပေါင်းရင်းမြစ်များ

Eklesiasti 7:5

Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Galesia 6:1

Kheraguro, jame kaisei naikno khiloau tapla jafra ka nakhibo, ghotilo naikno te leghuni nogna baubatu mae Tharunga te Blahi ra mala toghoni mana mala ke au doglo. Eghuteuna ghotilo toghoni mana ka puhi faꞌamama, nu fiofilo ghami na eghunu khasi ghami u najafra teke eni mana tuana eghu.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 19:25

Te puphuri iagho mae te theome fanomho na, mana ginauna laseni puhi te keli na. Te cheke faheta iagho ka mae te autagna gaoghatho te keli na, nogna glalase mana na ginauna keli salaꞌui.

Proveb 15:5

Sua te fameomekro na theome fanomho ka kmagna na. Nu sua te lalase na fanomho ka kmagna na.

Fapea Kronikols 25:16

Kate cheke teu profet ka mana igne, king ne cheke eghu, “Kmu sagho! Iara neke theome vahi nigho iagho te mala tusu mei gaoghatho te keli ka iara na! Jame te theome kmu iagho na, iara ginauna akni falehe nigho iagho!” Kate nomhini profet nogna cheke king igne, mana ne cheke eghu ka king, “Gognarona iara laseni, God na la kulu ghathonihi te mala goigoni nigho iagho na, naugna iagho ne eni glepo te diꞌa igne, eghuteuna iagho jaola tirou fanomho ka nogu cheke iara igre.”

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Nodi Khoje Hatimare Mae Jiu 125:4

Lord God, tusu lao glepo te keli sagho ka naikno te leghudi nou cheke are.

Nodi Khoje Hatimare Mae Jiu 51:18

God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Nodi Khoje Hatimare Mae Jiu 23:5

Iagho tarabana kaisei gaghamu biꞌo malagu iara ka tathadi nogu naokare. Iagho taji fakeli ghau iara jateula kaisei mae biꞌo eghu ka suga muna. Eghume nogu glealeꞌa iara na thono biꞌo fara jateula kaisei kapu khoꞌu te fodu te salauꞌi ra eghu.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Proveb 15:22

Jame te magnahaghei edi iagho keha gloku na, iagho kulu atha gaoghatho ka keha mae are, eghuteuna nou gloku iagho na ginauna thofno keli fara. Nu jame te theome eghu iagho na, iagho ginauna fiti kmusa kolho.

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.