Nodi Khoje Hatimare Mae Jiu 141:2 - Buka Blahi Ka Cheke Holo

² Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Nodi Khoje Hatimare Mae Jiu 141:2 ပူးပေါင်းရင်းမြစ်များ

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Profet Daniel 9:21

Kate tarai teu iara na, Engel Gabriel mae ihei teke filoni iara ka nogu mifi na flalo ne soru ka vido te au teu iara na. Ka vido igne thono namo fara ka vido narane mala fafara fei grafi na.

Nodi Khoje Hatimare Mae Jiu 134:2

Ghotilo ruma mei ka nogna Sugablahi mana igne mala ngafa haghe khamemi are balu tharai nei kilo fnaknoni mana eghu.

Nodi Khoje Hatimare Mae Jiu 63:4

Iara ginauna na tegio nigho nei pala hagheni eghu nanghamu iagho na ghilei lehe. Iara ginauna na ngafa haghe phei khamegu gre mala tarai ari ka iagho.

Nodi Khoje Hatimare Mae Jiu 28:2

Fanomho mei sagho ka nogu tharai iara gre. Iara tanhi ka iagho mala togho mei ghau iara. Iara filo lao ka sugamu iagho te blahi na nei ngafa haghe khamegure ne tarai.

Nodi Khoje Hatimare Mae Jiu 5:3

Hamerane na iagho nomhini naoglagu iara na. Lord, kate phagegna naprai na, iara mei tarai ke ulumu iagho, eghuteuna iara ofoni gho mala cheke tughudi nogu tharai gre.

Esra 9:4

Iara gnokro neu balu diꞌanagnafa ne ghilei thokeni vido mala fafara fei grafi na. Eghuteuna naikno te ghatho tahudi nogna cheke nomi God ghehati igne ne mhaghu nodi fara ka unha nate thoke mei naugna nakhibo te edi iheire teke pulo mei funudi Babilonia te theome leghudi nogna cheke God igre.

Eksodas 29:39

Ghotilo fafara kaisei sipu eghuteuna keha na fei grafi.

Mae Khuru 3:1

Kaisei narane, tanhi thiloi fei grafi, mae Pita ghe mae Jone ne tei ka Sugablahi na mala tarai. Igne nodi vido narane mala tarai hatimare mae Jiu.

Ululahu Kings 18:36

Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.

Naba 16:35

Aonu Lord ne famei khaꞌaghi na ne nako fahui phei gobi glimafulu mae teke tufa insens.

Eksodas 35:15

Eghuteuna Olta mala gahu Insens baludi phei gaju mala pala, eghuteuna oel blahi mala fablahi glepo, eghuteuna insens te au glepo te famane sisiri, eghuteuna pohe biꞌo mala fofotho grengatha ke ulugna suga tapuale te blahi igne.