Nodi Khoje Hatimare Mae Jiu 140:3 - Buka Blahi Ka Cheke Holo

³ Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 140:3 ပူးပေါင်းရင်းမြစ်များ

Nodi Khoje Hatimare Mae Jiu 58:4

Nodi chekere jateula mogo te faghughumhu ra eghu. Mare fofotho khulidire, jateula mogo te megli te theome nomhidi cheke ra eghu.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Proveb 23:32

Glepo tuana jateula mogo faghughumhu eghu na kathi nigho iagho, iagho ginauna lehe tagna.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Profet Jeremaea 9:5

Leuleghu fata na mare chaichaghidi koba mae kheradi thedire. Eghume, theo kaisei naikno te chekeni unha te tutuani na. Foflodire fodu ka cheke te chaichaghi, eghuteuna puhi te diꞌa te eni fabrahu mare igne te faglaꞌedi mare na.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Profet Isaia 59:13

Ghehati figri tagru nigho nei ghatho iho nigho, nei theome magnahaghei te leghu nigho. Ghehati tei koko nighohi, eigna igne ghehati filo faparidi nei paradi eghu koba keha naiknore. Gaoghathomi fateote'o nei chekemi fateote'o teu igre thofno chaichaghi fara kolho.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Jenesis 3:13

Aonu Lord God ne cheke eghu ka Ivi, “Ba, Ivi mala unha sagho te eni puhi ignea?” Naꞌa ne cheke eghu, “Mogo na neke cheke famaemahe ghau iara neke chaghi ghau iara mala ghamu iara sisi gna gaju na neku.”

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Proveb 6:14

Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Lamentations 3:62

Mare cheke fapari ghau iara funu hamerane ghilei bongi.