Nodi Khoje Hatimare Mae Jiu 140:1 - Buka Blahi Ka Cheke Holo

¹ Lord God, fakarhi ghau ka naikno te diꞌa igre. Baubatu fadelei ghau ka naikno te rodi magra igre.

Nodi Khoje Hatimare Mae Jiu 140:1 ပူးပေါင်းရင်းမြစ်များ

Nodi Khoje Hatimare Mae Jiu 140:4

Lord God, baubatu fadelei ghau iara sagho ka naikno te diꞌa gre. Taji fakeli ghau ka iheire te khuru magra te roghe mala falehe ghau iara teu are.

Nodi Khoje Hatimare Mae Jiu 18:48

Iagho neke hata fapulo ghau iara ka khamedi nogu naokare. Tutuani fara, God, iagho neke fafnakno ghau iara ka tathadi nogu naokare. Iagho neke togho ghau iara neke theome tangomana naiknore te magra falehe ghau iara na.

Nodi Khoje Hatimare Mae Jiu 71:4

Nogu God, fakarhi ghau ka naikno te diꞌa fara puhidi gre.

Nodi Khoje Hatimare Mae Jiu 140:11

Jame te keli na naikno te susurei chaichaghi eidi nodi vido glose keha naiknore igre nabadi na mala lus fabrahu ka kot. Jame te keli na glepo te diꞌa fateote'o gre kolho jame te thokedi mae te magra gre mala kokhoana mare.

Nodi Khoje Hatimare Mae Jiu 17:13

God, mei sagho mala magra e tapla sorudi nogu naoka iara gre. Iagho hata nou naflahi na mala magra ka mare mala ke hata fapulo ghau ka khamedi mae te gnognoro gre.

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.