Nodi Khoje Hatimare Mae Jiu 14:3 - Buka Blahi Ka Cheke Holo

³ Nu theo fara. Mare la snivihi ka nabrou te keli na. Mare kaisei nanaba ngala la kafe diꞌa fara tutuani. Theo kaisei naikno te eni puhi te keli na. Theo fara.

Nodi Khoje Hatimare Mae Jiu 14:3 ပူးပေါင်းရင်းမြစ်များ

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Nodi Khoje Hatimare Mae Jiu 14:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Nodi Khoje Hatimare Mae Jiu 58:3

Naikno te diꞌare neke tapla jafra fabrahu neke mei ngala funu tifa kani au teku ka thiꞌadi idodire, mare neke cheke chaichaghi neke mei ngala funu karha meidi.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.

Nodi Khoje Hatimare Mae Jiu 143:2

Thosei fate ghau iara nou mae gloku gne, naugna theo ihei nga te doglo ka tathamu iagho na.

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Profet Jeremaea 2:13

Naugna nogu naikno iara igre ne edi phei najafra te thono diꞌa fara igre. Naikno igre figri tagru ghau iara. Iara jateula glokha te fura haghe te mala koꞌu te karha naiknora eghu, nu mare tei koko ghau iara. Eghuteuna, mare leghudi god teke sari thedire. Uve, god igre jateula baket teke horo kolho naikno, nu phosa me theo kaisei khoꞌu tagna teura eghu kolho.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Nodi Khoje Hatimare Mae Jiu 38:5

Naugna ka puhi fameomekro te edi iara gre, la au mei kmana thubu te thono siri diꞌadi fara ka iara.

Diutronomi 1:35

‘Ghotilo naikno te diꞌa gognaro gre ginauna theo kaisei ka ghotilo nate filoni famane namono teke nhaꞌa cheke iara mala tusu lao ka kuꞌemi ghotilo teku ia!

Ululahu Korin 6:5

Tore, ghotilo theome mamaja nomi sia?! Naugna te laseni iara na, jare ke lamnami ghotilo na au keha mae glalase tangomana te fadoglidi magra te edi farihoteimi ghotilo naikno khiloau are.

Thoutonu Eigna Mae Job 15:16

Eghume faꞌunha eghu God tangomana te ronu ghita tahati te thono diꞌa fara, eghuteuna tahati magnahaghei te koꞌuni puhi te diꞌa na.

Eksodas 12:30

Ka bongi tuana na, mae king na baludi nogna mae funei re nei naikno te gnafa teu Ijep na ne kafe dofra. Naikno ne kafe tanhi fabiꞌo, naugna ka suga te gnafa igre kaisei mae sua nalhaꞌu na leheu jare.

Eksodas 8:31

Eghuteuna Lord ne leghuni unha te toreni mae Moses na. Nu kate theome filoni kaisei khare ka sugagna na nei ka sugadi nogna mae funei nei naikno teure,

Eklesiasti 7:20

Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.