Nodi Khoje Hatimare Mae Jiu 139:5 - Buka Blahi Ka Cheke Holo

⁵ Iagho batu ghau iara ka vido aheva te tei iara na, nei reireghi ghau ka nou nolaghi na.

Nodi Khoje Hatimare Mae Jiu 139:5 ပူးပေါင်းရင်းမြစ်များ

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thoutonu Eigna Mae Job 9:33

Nu theo kaisei naikno te au farihoteimi ghepa, te mala fate ghami ghepa na.

Eksodas 24:11

Tutuani fara, mare neke thofno filoni tathagna God, nu mana neke theome goigonidi mare. Thono theo fara. Aonu mare ne ima fodu ka vido igne.