Nodi Khoje Hatimare Mae Jiu 139:19 - Buka Blahi Ka Cheke Holo

¹⁹ God, iara magnahaghei nigho iagho fara te falehedi naikno te diꞌa are. Eghuteuna iara magnahaghedi fara mae iheire te khuru magra igre te tei delei na!

Nodi Khoje Hatimare Mae Jiu 139:19 ပူးပေါင်းရင်းမြစ်များ

Nodi Khoje Hatimare Mae Jiu 5:6

Iagho tapla sorudi nafnata naikno te cheke chaichaghi re. Eghuteuna iagho tiroudi naikno te falehe porudi keha naiknore, ba naikno te maomajora.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Nodi Khoje Hatimare Mae Jiu 119:115

Ghotilo naikno te diꞌa ra! Ghotilo tei nomi, mala leghudi kolho iara nogna cheke God re.

Nodi Khoje Hatimare Mae Jiu 6:8

Ghotilo naikno te diꞌara thosei mei namo ka iara. Eigna God na la nomhidihi nogu tharai iara re.

Nodi Khoje Hatimare Mae Jiu 64:7

Nu God ginauna na tirogna toghodi mare nogna, eghuteuna mare na megei nga ghoreho nodi kolho ka hatimare mae naokare.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Nodi Khoje Hatimare Mae Jiu 9:17

Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Nodi Khoje Hatimare Mae Jiu 94:23

Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Nodi Khoje Hatimare Mae Jiu 9:18

Naikno te au kuma gognaro gre ginauna nake gleale'au. Naugna God ginauna nake toghodiu. Eghuteuna naikno te lisei faparidi thedire God ginauna nake pala haghedi kligna.