Nodi Khoje Hatimare Mae Jiu 138:3 - Buka Blahi Ka Cheke Holo

³ Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Nodi Khoje Hatimare Mae Jiu 138:3 ပူးပေါင်းရင်းမြစ်များ

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Nodi Khoje Hatimare Mae Jiu 18:6

Kate au diꞌanagnafa na iara eha fabiꞌo ka nogu God mala togho ghau. Mana au neku ka sugagna na neke nomhini naoglagu iara na.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Nodi Khoje Hatimare Mae Jiu 29:11

Lord na tusu ranghi ghita tahati nogna naikno gre nanheta nei pharikeli.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Nodi Khoje Hatimare Mae Jiu 63:8

Gaoghathogure iara loku famaku ka iagho, eigna khame nhetamu iagho na loku famaku ghau iara.

Nodi Khoje Hatimare Mae Jiu 28:7

Kaisei Lord ngala te reireghi ghau nei bara fothi ghau teu iara na. Eghume iara thofno rouronuni mana. Mana tangomana te togho ghau iara na, eghume iara thofno glealeꞌa fara ka mana, eghuteuna iara koje mala cheke fakelini nanghagna mana na.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Lamentations 3:57

Iagho neke mei rhegu iara mala togho ghau iara neku neke cheke eghu ka iara, “Thosei mhaghu.”

Profet Daniel 10:18

Eghume, mae igne habo ka iara neke rheta fapulo.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”