Nodi Khoje Hatimare Mae Jiu 138:1 - Buka Blahi Ka Cheke Holo

¹ Lord God, iara thofno cheke fakeli nigho ka gaoghathogu fateote'o. Iara koje kilo fnakno nigho ke uludi nodi god iheire te theome laseni God.

Nodi Khoje Hatimare Mae Jiu 138:1 ပူးပေါင်းရင်းမြစ်များ

Nodi Khoje Hatimare Mae Jiu 111:1

Tahati kilo fnaknoni Lord! Ka nakarhagu fateote'o na, iara ginauna tegioni Lord ke uludi naikno te khapru mei te tarai gre.

Nodi Khoje Hatimare Mae Jiu 95:3

Naugna Lord na thono nolaghi fara. Uve, mana King mae ihei te au nolaghi ke klignadi god fateote'o.

Ululahu Korin 14:15

Eghume unha nate eni iara na? Uve, iara ginauna tarai ka God balugna tharungagu na, nu iara ginauna jaola tarai balugna gaoghathogu na. Eghuteuna iara ginauna koje ka God balugna tharungagu na, nu iara ginauna jaola koje balugna gaoghathogu na.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Nodi Khoje Hatimare Mae Jiu 96:4

Lord na fnakno kligna lahu. Uve, tahati pala hagheni nanghagna mana na. Fnakno kligna lahu ka God fateote'o, nei tahati mala ghatho tahuni mana kolho.

Nodi Khoje Hatimare Mae Jiu 82:6

“Iara ngala God mae ihei te thofno fnakno fara kligna lahu na, iara neke kulu cheke eghu hi ka ghotilo, ‘Ghotilo jateula god eghu, eghuteuna ghotilo te gnafa na, ghotilo goro thugu iara kolho.’

Nodi Khoje Hatimare Mae Jiu 82:1

God na eni kaisei faidu biꞌo kligna, eghuteuna mana na fatedi hatimare mae engel te jateula god teu te khapru faligohoni teu mana jare na.

Nodi Khoje Hatimare Mae Jiu 9:1

Lord, iara magnahaghei te cheke fakeli nigho ka nagnafagu na. Iara magnahaghei te toutonudi ka naiknore u famane gloku te gnafa teke edi iagho igre.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Efesus 5:19

Eghuteuna kate khapru te koje na, ghotilo mala koje ka Sam nei ka himu nei keha khoje te tusu mei mae Tharunga te Blahi na. Ghotilo koje nei kilo fnaknoni Lord ka nagnafamire.

Mae Khuru 23:5

Mae Pol ne cheke eghu, “Kheraguro, iara theome filo glanini ne mae pris biꞌo mana teuna. Tutuani, grioriso te blahi na cheke eghu, ‘Thosei cheke fadiꞌani mae ihei te mala funei frunidi nou naikno iagho re.’ ”

Eksodas 22:28

“Ghotilo thosei cheke fadiꞌa ghau iara Lord, ba cheke fadiꞌani kaisei mae funei te mala reireghidi naikno gre.

Nodi Khoje Hatimare Mae Jiu 9:2

Iagho fagleꞌani fara nagnafagu iara na, iara ginauna koje kilo fnakno nigho. God, iagho te au nolaghi biꞌo ke klignadi gobigna lepo fateote'o.

Nodi Khoje Hatimare Mae Jiu 57:9

Lord, iara na cheke fakeli nigho ke uludi naikno igre, eghuteuna iara ginauna koje kilo fnakno nigho ke uludi keha kantri gre.