Nodi Khoje Hatimare Mae Jiu 136:6 - Buka Blahi Ka Cheke Holo

⁶ Mana neke vuavuhadi moumolu te gnafa gre neke thakle haghe ke kligna nhorora. Mana ne namha ghita tahati tifa tifa.

Nodi Khoje Hatimare Mae Jiu 136:6 ပူးပေါင်းရင်းမြစ်များ

Nodi Khoje Hatimare Mae Jiu 24:2

Naugna mana neke hohoro nauthoglu igne farihotei nhorora, eghuteuna famamhaku pari ka khotogna nhorora.

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Jenesis 1:9

Aonu God ne cheke eghu, “Khoꞌu pari igre na salo fodu mei mala kaisei ngala mala thakle haghe glose te moja na.” Khoꞌure ne thofno leghuni chekegna God na ne salo fodu mei ne thakle haghe glose te moja na.

Profet Isaia 44:24

Lord mae ihei teke vuavuha ghami ghotilo ka thiꞌadi idomi ghotilo are, eghuteuna mae ihei te fakarhi ghami ghotilo neke cheke eghu: “Iara Lord, eghuteuna iara neke vuavuhadi gobigna lepo fateoteꞌo gre. Iara thegu teke vuavuhadi maloa nei gobigna lepo fateoteꞌo te au ke lamnagna. Eghuteuna kate vuavuha iara nauthoglu igne, theo kaisei naikno teke togho ghau iara na.

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Thoutonu Eigna Mae Job 26:7

God lilisei maloa ke rarugna kaisei namono nagou, eghuteuna mana eni nauthoglu igne gefe fabrahu ka vido aheva te theo kaisei glepo te loku hagheni.

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Profet Isaia 40:22

Lord neke edi gobigna lepo igre! Mana te funei frunini nauthoglu igne jateula kaisei mae king te gnokro ka nogna sape nafnakno ra neku. Eghuteuna ka tathagna mana na naiknore ikodi nei glaꞌe jateula cheche eghu kolho. Uve, mana eni maloa gne ne krepa fara, jateula kaisei mae te horo kaisei suga tapuale te mala au tagna ra neu.

Thoutonu Eigna Mae Job 37:18

Ba, kate eghu na, iagho tangomana te toghoni God te mala nhaꞌa haghe maloa gne kligna jateula thiro te sigla ra teuna?